សប្តាហ៍ទី១នៃការមានផ្ទៃពោះ
ប្រាកដណាស់ដំណើរការមានផ្ទៃពោះចាប់ផ្តើមមុនពេលការបង្កកំណើត
ការលូតលាស់ និងការវិវឌ្ឍរបស់ទារកនៅសប្តាហ៍ទី១ ៖ មុនការបង្កកំណើត
ស្ដាប់ទៅហាក់ដូចជាចម្លែក នៅពេលដែលយើងនិយាយថា ដំណើរការមានផ្ទៃពោះចាប់ផ្តើមមុនពេលទារករបស់អ្នកចាប់កំណើត។
សប្តាហ៍ទី១នៃការមានផ្ទៃពោះគឺចាប់ផ្តើមនៅវដ្តរដូវចុងក្រោយរបស់អ្នក។ ហេតុអ្វី? វាពិតជាលំបាកក្នុងការកំណត់ឲ្យបានច្បាស់លាស់ពីពេលដែលស៊ុតរបស់អ្នកបង្កកំណើត ហេតុដូច្នេះ ថ្ងៃវដ្តរដូវចុងក្រោយរបស់អ្នកគឺជាចំណុចចាប់ផ្តើមនៃដំណើរការមានផ្ទៃពោះដែលច្បាល់លាស់ជាងគេ។ វេជ្ជបណ្ឌិតរបស់អ្នកនឹងគណនាថ្ងៃសម្រាលដោយរាប់ឲ្យគ្រប់ ៤០ សប្តាហ៍ចាប់ពីវដ្ដរដូវចុងក្រោយរបស់អ្នក។
អំឡុងពេលនេះហៅថារយៈពេលនៃការមានគភ៌ ហើយវេជ្ជបណ្ឌិតភាគច្រើនវាស់វែងរយៈពេលពេលនៃការមានគភ៌តាមរយៈនេះ។ ដោយសារតែការបង្កពង និងការបង្កកំណើតកើតឡើងប្រហែលពីរសប្តាហ៍បន្ទាប់ពីអ្នកមករដូវ អាយុរបស់ទារក (ដែលចាប់ផ្តើមរាប់នៅពេលស៊ុតរបស់អ្នកបង្កកំណើត) នឹងមានរយៈពេល ២សប្តាហ៍តិចជាង រយៈពេលនៃការគភ៌។ ដូច្នេះ នៅពេលដែលអ្នកមានផ្ទៃពោះបាន ៨សប្តាហ៍ អាយុរបស់ទារកមានរយៈពេលត្រឹមតែ ៦សប្តាហ៍ប៉ុណ្ណោះ។
ការប្រែប្រួលរាងកាយរបស់អ្នកនៅសប្តាហ៍ទី១ ៖ មុនការបង្កកំណើត
ក្នុងអំឡុងពេលមុនការបង្កកំណើត រាងកាយរបស់អ្នកកំពុងត្រៀមខ្លួនសម្រាប់ការពរពោះ — តាមការពិតទៅរាងកាយរបស់អ្នកបានត្រៀមខ្លួនសម្រាប់ការពរពោះរៀងរាល់ខែចាប់តាំងពីពេលអ្នកពេញក្រមុំ។ អំឡុងពេលមករដូវម្តងៗ ស្បូនរបស់អ្នកបានជម្រុះស្រទាប់ខាងក្នុងរបស់វា ហើយបង្កើតស្រទាប់ខាងក្នុងថ្មីមួយដែលសំបូរដោយសរសៃឈាមដើម្បីរក្សាទុក និងទ្រទ្រង់ការលូតលាស់របស់ទារក។ ឥឡូវនេះ ចូលដល់ដំណាក់កាលសម្រាប់ ៩ខែនៅពេលខាងមុខ។
សុខភាពល្អ និងអាហារូបត្ថម្ភនៅសប្តាហ៍ទី១ ៖ មុនការបង្កកំណើត
អ្នកអាចចាប់ផ្ដើមពីពេលឥឡូវនេះ ដើម្បីឲ្យដំណើរការមានផ្ទៃពោះ កាន់តែមានភាពងាយស្រួលសម្រាប់ខ្លួនអ្នក និងទារកក្នុងផ្ទៃក្នុងអំឡុងខែខាងមុខៗ។ អំឡុងពេលមុនការបង្កកំណើត អ្នកអាច ៖
- ញ៉ាំអាហារបន្ថែមជីជាតិដែលមានតុល្យភាព និងវីតាមីនចម្រុះរៀងរាល់ថ្ងៃ ឬវីតាមីនមុនពេលសម្រាល ឬអាហារបន្ថែមជាទឹកដោះគោសម្រាប់ម្ដាយដែលមានជាតិអាស៊ីតហ្វូលីក និងជាតិរ៉ែខនិជ និងវីតាមីន សំខាន់ៗ ផ្សេងទៀតសម្រាប់ការពរពោះ។ អាស៊ីតហ្វូលីកដែលមាននៅក្នុងបន្លែក្រៀម សណ្តែកក្រៀម សណ្តែកបារាំង និងនំបាំងដែលផលិតពីគ្រាប់ធញ្ញជាតិ ត្រូវបានរកឃើញថា ជួយការពារការពិការពីកំណើតក្នុងអំឡុងពេលមានផ្ទៃពោះដំបូង។ ត្រូវពិភាក្សាជាមួយវេជ្ជបណ្ឌិតរបស់អ្នក (គ្រូពេទ្យសម្ភព និង/ឬវេជ្ជបណ្ឌិតឯកទេសខាងរោគស្ត្រី) អំពីវីតាមីនមុនពេលសម្រាល បើសិនអ្នកមិនទាន់មាន។
- បង្កើតទម្លាប់ញ៉ាំអាហារូបត្ថម្ភ និងធ្វើលំហាត់ប្រាណដែលផ្ដល់សុខភាពល្អ ។
- លើកឡើងនូវលក្ខខណ្ឌវេជ្ជសាស្ត្រ ៖ ប្រសិនបើអ្នកកំពុងប្រើថ្នាំតាមវេជ្ជបញ្ជា អ្នកអាចប្រឹក្សាជាមួយវេជ្ជបណ្ឌិតរបស់អ្នក។
- ចៀសវាងការជក់បារី និងការសេពគ្រឿងស្រវឹង និងកំណត់បរិមាណជាតិកាហ្វេអ៊ីនដែលត្រូវញ៉ាំត្រឹម១កែវកាហ្វេក្នុងមួយថ្ងៃ។
ការទៅជួបជាមួយវេជ្ជបណ្ឌិតរបស់អ្នកលើកដំបូង
ស្រី្តភាគច្រើនធ្វើការណាត់ជួបជាមួយវេជ្ជបណ្ឌិតប្រចាំគ្រួសារ ឬ គ្រូពេទ្យសម្ភព/វេជ្ជបណ្ឌិតឯកទេសខាងរោគស្ត្រីអំពីបញ្ហាមុនការបង្កកំណើត។ ការណាត់ជួបនេះ អាចជួយឲ្យអ្នកប្រាកដថា រាងកាយរបស់អ្នកត្រៀមខ្លួនរួចជាស្រេចសម្រាប់ការមានផ្ទៃពោះ ហើយវាក៏ជាឱកាសដ៏ប្រសើរសម្រាប់ឲ្យអ្នកសួរសំណួរ ឬពិភាក្សាអំពីបញ្ហាសំខាន់ៗដែលអ្នកមាន។
ការផ្តល់អាហាររូបត្ថម្ភល្អបំផុត
- ត្រូវប្រាកដថា អ្នកបរិភោគអាហារពេលព្រឹក អាហារថ្ងៃត្រង់ អាហារសម្រន់ និងអាហាពេលល្ងាចដែលមានតុល្យភាព
- ប្រសិនបើអ្នកមិនប្រាកដថា អ្នកកំពុងបរិភោគអាហារដែលមានតុល្យភាពនោះទេ សូមព្យាយាមកត់ត្រាពី អាហារ និងអាហារសម្រន់របស់អ្នកសម្រាប់មួយសប្តាហ៍។ បន្ទាប់មក ធ្វើការប្រៀបធៀបអាហារដែលអ្នកកំពុងញ៉ាំ និងអាហារល្អៗដែលមាននៅក្នុងពីរ៉ាមីតអាហាររបស់ USDA។
ប្រភពល្អបំផុតនៃវីតាមីន និងជាតិរ៉ែខនិជ គឺមាននៅក្នុងរបបអាហារដែលមានតុល្យភាពដែលអ្នកបរិភោគ ប៉ុន្តែក្នុងអំឡុងពេលមានផ្ទៃពោះ អ្នកត្រូវបរិភោគជាតិអាស៊ីតហ្វូលីក ជាតិដែក និងកាល់ស្យូមបន្ថែមទៀត។ សូមពិភាក្សាជាមួយវេជ្ជបណ្ឌិតរបស់អ្នកអំពីវីតាមីនមុនពេលសម្រាល ដើម្បីបន្ថែមវីតាមីនដែលអ្នកបរិភោគរៀងរាល់ថ្ងៃ។
សប្តាហ៍ទី២នៃការមានផ្ទៃពោះ
ការកំណត់ពីពេលនៃការបង្កពង
ការលូតលាល់ និងការវិវឌ្ឍរបស់ទារកនៅសប្តាហ៍ទី២ ៖ មុនការបង្កកំណើត
ដំណាក់កាលនេះមិនទាន់មានទារកនៅឡើយទេ ប៉ុន្តែរាងកាយរបស់អ្នកកំពុងត្រៀមខ្លួនសម្រាប់ការបង្កពង ហើយនៅដំណាក់កាលចុងក្រោយនឹងបង្កជាកំណើត។ តើអ្នកកំពុងតែឆ្ងល់ថា អាចមានផ្ទៃពោះ២សប្តាហ៍មុនពេលទារករបស់អ្នកចាប់កំណើតឬ? មានការពន្យល់ដ៏សាមញ្ញមួយពីបញ្ហានេះ។
ជាទូទៅ ការបង្កកំណើតកើតឡើងនៅពេលអ្នកមានផ្ទៃពោះរយៈពេល ២សប្តាហ៍ ឬ២សប្តាហ៍បន្ទាប់ពីអ្នកចាប់ផ្តើមមករដូវ។ ទោះបីជាអ្នកកំពុងមករដូវក៏ដោយ រាងកាយរបស់អ្នកត្រៀមខ្លួនរួចជាស្រេចសម្រាប់ការមានផ្ទៃពោះ។
- ស៊ុតមួយដែលទុំមួយក្នុងចំណោមអូវែរបស់អ្នកនឹងជ្រុះ។
- ដំណើរការនេះហៅថា ការបង្កពង ដែលជាធម្មតា កើតឡើងប្រហែល ១១ ទៅ១៤ថ្ងៃ បន្ទាប់ពីការមករដូវរបស់អ្នក។
- បន្ទាប់ពីការបង្កពង ស៊ុតនោះធ្វើដំណើរទៅកាន់បំពង់ដៃស្បូនដែលជាប់នឹងអូវែ និងស្បូនរបស់អ្នក និងរងចាំការបង្កកំណើតនៅក្នុងបំពង់ដៃស្បូននោះ។
- ប្រសិនបើអ្នករួមភេទក្នុងអំឡុងពេលបង្កពង អ្នកអាចនឹងមានផ្ទៃពោះ!
- ទឹកមេជីវិតអាចរស់នៅក្នុងរាងកាយរបស់អ្នករហូតដល់ ៦ថ្ងៃ ប៉ុន្តែស៊ុតរបស់អ្នកវិញ កាលណាតែបានបញ្ចេញក្នុងអំឡុងពេលបង្កពងហើយនោះ រងចាំការបង្កកំណើតតែក្នុងរយៈពេលពី ១២ ទៅ ២៤ម៉ោងប៉ុណ្ណោះ។
- នៅដំណាក់កាលនេះ ស៊ុតរបស់អ្នកមានប្រវែង១/២០០ អ៊ីង ហើយទំហំនេះតូចពេកមិនអាចមើលឃើញដោយភ្នែកទទេបានឡើយ។
ការបែប្រួលរាងកាយរបស់អ្នកនៅសប្តាហ៍ទី២ ៖ មុនការបង្កកំណើត
ទោះបីជាការបង្កកំណើតមិនទាន់ចាប់ផ្តើមក៍ដោយ ប៉ុន្តែរាងកាយរបស់អ្នកត្រៀមខ្លួនរួចជាស្រេច តាមដំណើរការដូចខាងក្រោម ៖
- នៅពេលអ្នកមានផ្ទៃពោះបាន ២សប្តាហ៍ ស្រទាប់ថ្មីនៅក្នុងស្បូនរបស់អ្នកកំពុងលូតលាស់ និងមានទំហំក្រាស់ ដើម្បីទ្រទ្រង់ទារកក្នុងផ្ទៃ។
- រាងកាយរបស់អ្នកបញ្ចេញអ័រម៉ូន ឬសញ្ញាគីមីដែលបញ្ចេញស៊ុតពីហ្វូលីកុលនៅក្នុងអូវែរបស់អ្នកនៅពេលដែលស៊ុតទុំ។
- នៅពេលមានការបង្កពង រាងកាយរបស់អ្នកជម្រុះស៊ុតទៅក្នុងបំពុងដៃស្បូន។ អ័រម៉ូនពីរដែលដំណើរការ គឺអរម៉ូន estrogen និង progesterone ដែលធ្វើឲ្យសីតុណ្ហភាពក្នុងខ្លួនរបស់អ្នកកើនឡើងបន្តិចម្តងៗ។ អ្នកអាចតាមដានសីតុណ្ហភាពនេះដោយប្រើទែម៉ូម៉ែត្រវាស់កំដៅរាងកាយនៅពេលព្រឹក។
- ពេលខ្លះ ក្នុងអំឡុងពេលបង្កពង អូវែផលិតស៊ុតច្រើនជាងមួយ ដែលករណីនេះអាចធ្វើឲ្យមានកូនភ្លោះ (មិនដូចគ្នា) កូនភ្លោះបី ឬច្រើន បើសិនមានស៊ុតច្រើនបង្កកំណើត។
តើអ្នកចង់ដឹងពីពេលដែលអ្នកកំពុងបង្កពងដែរ ឬទេ?
- សម្រាប់ស្ត្រីភាគច្រើន ការបង្កពងកើតឡើងប្រហែលក្នុងអំឡុងពេលពាក់កណ្តាលនៃវដ្តរដូវរបស់ខ្លួន។ (ការបង្កពងកើតឡើងនៅថ្ងៃទី ១៤នៃវដ្តរដូវដែលមានរយៈពេល ២៨ថ្ងៃ)។ អ្នកត្រូវតាមដានថ្ងៃខែរបស់អ្នកតាមប្រតិទិនរយៈពេលបីទៅបួនខែ ប្រសិនបើអ្នកចង់ដឹងពីពេលដែលអ្នកបង្កពង។
- អង្កេតការប្រែប្រួលសីតុណ្ហភាពក្នុងរាងកាយតិចតួច ដែលអ្នកអាចដឹងដោយប្រើទែម៉ូម៉ែត្រវាស់កំដៅរាងកាយនៅពេលព្រឹក។
អង្កេតមើលការប្រែប្រួលទឹករំអិលក្នុងស្បូន។ នៅពេលដែលអ្នកមានផ្ទៃពោះបាន២សប្តាហ៍ អ្នក - អាចសង្កេតឃើញមានកំណើនទឹករំអិលដែលអាចមានពណ៌ស ឬពណ៌ប្រផេះ។ នេះជារឿងធម្មតាទេ ប៉ុន្តែបើសិនអ្នកមានការព្រួយបារម្ភ អ្នកអាចស្វែងរកការប្រឹក្សាយោបល់ពីវេជ្ជបណ្ឌិតរបស់អ្នកបាន។
អ្នកអាចធ្វើឲ្យដំណើរការនេះកាន់តែងាយស្រួលដោយប្រើឧបករណ៍វាស់ស្ទង់ការបង្កពង ដែលដាក់លក់ដោយសេរី។
សុខភាពល្អ និងអាហារូបត្ថម្ភនៅសប្តាហ៍ទី២ ៖ មុនការបង្កកំណើត
អាហារូបត្ថម្ភ
ការលូតលាស់របស់ទារកដែលចេញពីកោសិកាទោលទៅជាកំណើតថ្មីដ៏ស្រស់ស្អាតមួយត្រូវការស្រូបយកថាមពល សារជាតិចិញ្ចឹម និងសារធាតុផ្សេងទៀតជាច្រើនពីរាងកាយរបស់អ្នក។ របបអាហារដែលមានសុខភាពល្អអាចជួយអ្នកបាន។ នៅពេលអ្នកមានផ្ទៃពោះបាន ២ សប្ដាហ៍៖
- ត្រូវបរិភោគអាហារត្រឹមត្រូវដែលផ្តល់ថាមពលគ្រប់គ្រាប់ ដើម្បីទ្រទ្រង់រាងកាយរបស់អ្នក និងការលូតលាស់របស់ទារកក្នុងផ្ទៃ។
- បរិភោគអាហារខុសៗគ្នាដែលមានតុល្យភាព (ដូចជា ប្រូតេអ៊ីន ខ្លាញ់ វីតាមីន និងជាតិរ៉ែខនិជ)។ វាធ្វើឲ្យរាងកាយរបស់អ្នកមានសុខភាពល្អ។
ព្យាយាមញ៉ាំអាហារក្នុងបរិមាណត្រឹមត្រូវ។ អ្នកអាចចែករំលែកអាហាររបស់អ្នកជាពាក់កណ្តាល។ ក្នុងចានអាហាររបស់អ្នក ត្រូវមានបន្លែពាក់កណ្ដាល និងផ្លែឈើពាក់កណ្ដាល និងត្រូវមានប្រូតេអ៊ីន និងធញ្ញជាតិពាក់កណ្ដាលផ្សេងទៀត។ ចុះចំណែកខ្លាញ់វិញ? ប្រការដែលល្អបំផុត ត្រូវញ៉ាំខ្លាញ់ក្នុងបរិមាណល្មម។
តើអ្វីជាវីតាមីនមុនពេលសម្រាល?
វីតាមីនមុនពេលសម្រាល ផ្តល់មធ្យោបាយដ៏ល្អក្នុងការធានាថា អ្នក និងកូនរបស់អ្នកទទួលបានអាហារូបត្ថម្ភដែលចាំបាច់ក្នុងបរិមាណគ្រប់គ្រាន់។ ទោះបីជាមានភាពស្រដៀងគ្នាទៅនឹងវីតាមីនចម្រុះសម្រាប់មនុស្សពេញវ័យ ក៏ដោយ ប៉ុន្តែជារឿយៗ វីតាមីនមុនពេលសម្រាលច្រើនមានផ្ទុកបរិមាណនៃវីតាមីន និងជាតិរ៉ែខនិជ ដូចជា អាស៊ីតហ្វូលីក និងជាតិដែក ជាពិសេសសម្របទៅតាមតម្រូវរបស់ស្ត្រីមានផ្ទៃពោះ។ ប្រសិនបើអ្នកចង់ទទួលបានវីតាមីន និងជាតិរ៉ែខនិជបន្ថែមក្នុងអាហារ អ្នកអាចសាកល្បងអាហារបន្ថែមជាប្រភេទទឹកដោះគោសម្រាប់មាតាដើម្បីជាជំនួយដល់របបអាហារដែលមានសុខភាពល្អជាប្រចាំរបស់អ្នក។
ការធ្វើលំហាត់ប្រាណ
- ការហាត់ប្រាណឲ្យបានទៀងទាត់ រួមទាំង ការបរិភោគដែលមានសុខភាពល្អនៅមុន និងអំឡុងពេលមានផ្ទៃពោះនឹងជួយឲ្យអ្នកគ្រប់គ្រងការឡើងទម្ងន់ដែលមានសុខភាពល្អ ព្រមទាំងអាចជួយឲ្យអ្នកស្រកទម្ងន់ជាច្រើនបន្ទាប់ពីសម្រាលទៀតផង។
សប្តាហ៍ទី៣នៃការមានផ្ទៃពោះ
ទម្រង់មានគភ៌ដំបូង
ការលូតលាស់ និងការវិវឌ្ឍរបស់ទារកនៅសប្តាហ៍ទី ៣ ៖ ការបង្កកំណើត និងការលូតលាស់
អ្នកប្រហែលជាមានផ្ទៃពោះរួចទៅហើយ បើទោះជាអ្នកមិនបានដឹងក៏ដោយ។ ការបង្កកំណើតកើតឡើងនៅពេលស៊ុតមួយប៉ះនឹងទឹកមេជីវិត និងបង្កើតជាកោសិកាទោល ដែលហៅថាគភ៌ដំបូង (ស៊ីកូត)។
ខាងក្រោមនេះគឺជាដំណើរការក្នុងអំឡុងសប្តាហ៍ទី៣នៃការមានផ្ទៃពោះ
- នៅពេលអ្នកមានផ្ទៃពោះបាន៣សប្តាហ៍ ស៊ីកូតដែលមានទំហំប៉ុនមីក្រូស្កូបបានបំបែកខ្លួនម្ដងហើយម្ដងទៀត ដោយលូតលាស់ក្នុងដំណើរមួយយ៉ាងលឿនក្នុងទារក។
- នៅពេលអ្នកមានផ្ទៃពោះបាន៣សប្តាហ៍ ទារករបស់អ្នកមានសារធាតុហ្សែនទាំងអស់រួចជាស្រេចដែលចាំបាច់សម្រាប់ជីវិត ដែលក្រូម៉ូសូមពាក់កណ្តាលដែលមានចំនួន២៣គូបានមកពីអ្នក ចំណែក ២៣ គូទៀតបានមកពីដៃគូរបស់អ្នក។
- ភេទរបស់ទារកត្រូវបានកំណត់រួចមកហើយ។
ការបំបែកខ្លួនដ៏អស្ចារ្យ
ប្រហែល ១២ម៉ោងបន្ទាប់ពីការបង្កកំណើត ទារករបស់អ្នកដែលនៅជាស៊ីកូតដមានកោសិកាតែមួយ បំបែកខ្លួនទៅជាកោសិកាពីរដែលដូចគ្នា។ កោសិកាទាំង២នេះបំបែកខ្លួនទៅជា៤កោសិកា បន្ទាប់មក ទៀតបំបែកខ្លួនទៅជាកោសិកាចំនួន ៨។ ដំណើរការបំបែកខ្លួននេះនឹងបន្តដោយសារតែចំនួន កោសិកាសរុបក្នុងទារកនឹងកើនឡើងទ្វេដងរៀងរាល់ ១២ ម៉ោង។
ប្រសិនបើស៊ីកូតមួយបំបែកខ្លួនចេញជាស៊ីកូតពីរដែលដូចគ្នា ដែលស៊ីកូតនីមួយៗ មានហ្សែនដូចគ្នា នោះអ្នកនឹងមានកូនភ្លោះ។ អំឡុងពេលសប្ដាហ៍ទី ៣ នៃការមានផ្ទៃពោះ ស៊ីកូតរបស់អ្នកកំពុងធ្វើ ដំណើរចុះពីបំពង់ដៃស្បូនទៅកាន់ស្បូនរបស់អ្នក។
ការប្រែប្រួលរាងកាយរបស់អ្នកនៅសប្ដាហ៍ទី ៣ នៃការមានផ្ទៃពោះ ៖ ការបង្កកំណើត និងការលូតលាស់
ឥឡូវអ្នកមានផ្ទៃពោះបាន ៣ សប្ដាហ៍ហើយ ប៉ុន្តែពេលវេលានេះលឿនពេកសម្រាប់ឲ្យអ្នកកត់សម្គាល់ពីការបាត់រដូវ ឬមានរោគសញ្ញាណាមួយនៃការមានផ្ទៃពោះ។
ខាងក្រោមនេះគឺជាដំណើរការដែលកំពុងកើតមាននៅក្នុងខ្លួនរបស់អ្នកអំឡុងពេលអ្នកមានផ្ទៃពោះបាន៣សប្តាហ៍ ៖
- នៅពេលអ្នកមានផ្ទៃពោះបាន៣សប្តាហ៍ ទារករបស់អ្នកស្ថិតក្នុងដំណាក់កាលប្លាស្តូស៊ីស(blastocyst)។ សុកដែលកំពុងលូតលាស់ចាប់ផ្តើមផលិត hCG (human chorionic gonadotropin)ដែលជាអ័រម៉ូនមាននៅក្នុងឈាម ឬទឹកនោមរបស់អ្នក ដែលអាចប្រាប់អ្នកថា អ្នកមានផ្ទៃពោះ។
- ការធ្វើតេស្តផ្ទៃពោះនៅផ្ទះអាចរកឃើញអ័រម៉ូននេះនៅចន្លោះពី ៦ ទៅ១២ថ្ងៃបន្ទាប់ពីការបង្កកំណើត។
- ត្រឹមតែ២សប្តាហ៍ប៉ុណ្ណោះបន្ទាប់ពីវដ្ដរដូវរបស់អ្នក ស្បូនរបស់អ្នកឡើងក្រាស់ដែលសំបូរដោយឈាមពោលគឺវាត្រៀមខ្លួនរួចជាស្រេចក្នុងការទទួលយក និងទ្រទ្រង់ស៊ុតបង្កកំណើតរបស់អ្នក។
- ពេលសប្ដាហ៍ទី ៣ ទារកលាស់ក្នុងស្រទាប់ស្បូនរបស់អ្នក ហើយអ្នកអាចមានការ ធ្លាក់ឈាមតិចៗ។ អ្នកអាចនឹងច្រឡំថា ការធ្លាក់ឈាមនេះគឺជាការចាប់ផ្តើមវដ្ដរដូវរបស់អ្នក។ ការធា្លក់ឈាមនេះអាចសញ្ញាពិតដំបូងថា អ្នកមានផ្ទៃពោះ។ ជាធម្មតា ការធ្លាក់ឈាមបែបនេះមានរយៈពេលតែ១ទៅ២ថ្ងៃប៉ុណ្ណោះ ហើយវាធ្លាក់តិចជាងធម្មតា។
សុខភាពល្អ និងអាហារូបត្ថម្ភសម្រាប់ការមានផ្ទៃពោះនៅសប្ដាហ៍ទី ៣ ៖ ការបង្កកំណើត និងការលូតលាស់
ការធ្វើលំហាត់បា្រណ
ប្រសិនបើអ្នកមានសុខភាពល្អ និងធ្វើលំហាត់ប្រាណជាប្រចាំហើយនោះ ការមានផ្ទៃពោះមិនបានរារាំងអ្នកមិនឲ្យធ្វើលំហាត់ប្រាណជាប្រចាំដែលមានសុវត្ថិភាពនោះឡើយ។
នៅពេលអ្នកមានផ្ទៃពោះបាន៣ខែ អ្នកត្រូវ៖
ញ៉ាំទឹកឲ្យបានច្រើន
- ឆ្លើយតមភ្លាមៗ ប្រសិនបើរាងកាយរបស់អ្នកបង្ហាញថា អ្នកគួរបន្ថយ ឬបញ្ឍប់តែម្តង។
- ចៀសវាងការជក់បារី ការសេពគ្រឿងស្រវឹង ឱសថ ឬការប៉ះពាល់ជាតិគីមី។
អាហារូបត្ថម្ភសម្រាប់ទាំងខ្លួនអ្នក និងទារកក្នុងផ្ទៃ
ក្នុងអំឡុងពេលមុនសប្ដាហ៍ទី ៣ នៃការមានផ្ទៃពោះ ការណ៍ដែលអ្នកបរិភោគឲ្យបានត្រឹមត្រូវ និងមើលថែខ្លួនអ្នកឲ្យបានល្អ ពិតជាធ្វើឲ្យមានភាពខុសគ្នាខ្លាំងលើគុណភាពអាហារូបត្ថម្ភដែលទារកក្នុងផ្ទៃរបស់អ្នកទទួលបាន។
តើសារធាតុចិញ្ចឹមក្នុងអាហាររបស់អ្នកផ្ដល់សារៈសំខាន់អ្វីខ្លះ? - កាឡូរីជួយចិញ្ចឹមទារកក្នុងផ្ទៃដែលកំពុងលូតលាស់។
- ជាតិដែក និងអាស៊ីតហ្វូលីកជួយផលិតឈាមបន្ថែមក្នុងអំឡុងពេលមានផ្ទៃពោះ។
- ប្រូតេអ៊ីនជួយផលិតឈាម និងធ្វើឲ្យជាលិកា និងសាច់ដុំរបស់ទារកលូតលាស់។
- កាល់ស្យូមជួយឲ្យឆ្អឹង និងធ្មេញរបស់ទារកលូតលាស់។
សប្តាហ៍ទី៤នៃការមានផ្ទៃពោះ
អបអរសាទរ!
ការលូតលាស់ និងការវិវឌ្ឍរបស់ទារកនៅសប្ដាហ៍ទី ៤
ដល់ពេលហើយ-នេះគឺជាសប្តាហ៍ដែលអ្នកនឹងបាត់រដូវ និងដឹងថាអ្នកមានផ្ទៃពោះ!
នៅពេលអ្នកមានផ្ទៃពោះបាន៤សប្តាហ៍ ទារកក្នុងផ្ទៃបានលូតលាស់ក្នុងស្បូន និងកំពុងលូតលាស់ក្នុងល្បឿនមួយដ៏លឿនអស្ចារ្យ។ នេះគឺជាដំណើរការដែលកើតមានក្នុងអំឡុងសប្ដាហ៍ទី ៤៖
- នៅពេលអ្នកមានផ្ទៃពោះបាន៤សប្តាហ៍ រាងកាយរបស់ទារកមាន៣ស្រទាប់ខុសៗគ្នាដែលសរីរាង្គទាំងអស់របស់ទារកនឹងមានការលូតលាស់។
- ចាត់តាំងពីសប្តាហ៍ទី៣ រហូតដល់ចុងសប្តាហ៍ទី៤ នៃការមានផ្ទៃពោះ ទារកលូតលាស់ប្រវែងក្បាលម្ជុលពោលគឺប្រវែងប្រហែល១/២៥អ៊ីង។
តួនាតីសំខាន់ៗរបស់សុក
ក្នុងអំឡុងសប្តាហ៍ទី៤ សុកនឹងចាប់ផ្ដើមកកើតឡើង និងមានតួនាទីដឹកនាំសារធាតុចិញ្ចឹមពីអ្នកទៅឲ្យទារក។ សុកនេះកើតចេញពីជាលិការបស់ទារក ជាមួយនឹងកោសិកាផ្សេងទៀតពីរាងកាយរបស់អ្នក។ សូមពិនិត្យមើលដំណើរការរបស់សុក ៖
- នៅពេលអ្នកមានផ្ទៃពោះបាន៤សប្តាហ៍ សុកបន្តការលូតលាស់កាន់តែក្រាស់រហូតដស់ខែទី៤នៃការមានផ្ទៃពោះ។
- សុកមានតួនាទីបំពេញតម្រូវការរបស់ទារកដោយដឹកជញ្ជូនសារធាតុចិញ្ចឹមមួយចំនួនពីខ្លួនអ្នកឲ្យទារក ។
- ទោះបីជាសុកកើតចេញពីជាលិការួម ប៉ុន្តែសុករារាំងមិនឲ្យឈាមក្នុងរាងកាយរបស់អ្នក និងឈាមក្នុងរាងកាយទារកប៉ះគ្នាឡើយ។
ការប្រែប្រួលក្នុងរាងកាយនៅសប្តាហ៍ទី ៤
គិតត្រឹមសប្ដាហ៍ទី ៤ នៃការមានផ្ទៃពោះ គឺបានន័យថា អ្នកបានបាត់រដូវ។ ដល់ពេលដែលអ្នកត្រូវធ្វើតេស្តហើយ! អ្នកប្រាកដជាចង់ដឹងថាតើអ្នកពិតជាមានផ្ទៃពោះមែន ឬយ៉ាងណា។ សូមសិក្សាបន្ថែមពីការធ្វើតេស្តពិនិត្យផ្ទៃពោះ៖
- ការធ្វើតេស្តពិនិត្យផ្ទៃពោះនៅផ្ទះអាចវាស់ពីអ័រម៉ូន hCG (human chorionic gonadotropin )ដែលរាងកាយរបស់អ្នកផលិតបន្ទាប់ពីស៊ុតដែលបង្កកំណើតភ្ជាប់ខ្លួនទៅនឹងភ្នាសស្បូន (ជាធម្មតាចាប់ពី ៦ ទៅ១២ថ្ងៃ បន្ទាប់ពីការបង្កកំណើត)។
- ប្រការល្អ ការធ្វើតេស្តពិនិត្យផ្ទៃពោះភាគច្រើនគួរធ្វើឡើងយ៉ាងហោចណាស់នៅថ្ងៃទី១នៃការបាត់រដូវ។
- កាលណាអ្នកពន្យារធ្វើតេស្តឲ្យបានកាន់តែយូរបន្ទាប់ពីអ្នកបាត់រដូវ នោះអ្នកនឹងទទួលបានលទ្ធផលកាន់តែច្បាស់។
- ការធ្វើតេស្តលឿនពេក អាចផ្តល់លទ្ធផលអវិជ្ជមាន ខណៈពេលការមានផ្ទៃពោះកំពុងតែដំណើរការ។
តើពេលណាដែលជាពេលល្អបំផុតដែលត្រូវធ្វើតេស្ត?
- ពេលព្រឹកព្រលឹម នៅពេលដែលអ្នកបត់ជើងតូចដំបូង។ នៅពេលនោះ អ័រម៉ូន hCG មានកម្រិតខ្ពស់ បំផុត។ អ័រម៉ូននេះគឺដូចគ្នាទៅនឹងអ័រម៉ូនដែលវេជ្ជបណ្ឌិតរបស់អ្នកនឹងធ្វើការពិនិត្យដើម្បីប្រាកដថា អ្នកមានផ្ទៃពោះ។ កម្រិតអ័រម៉ូន hCG ទាំងនេះកើនឡើងទ្វេដងរៀងរាល់២ ទៅ៣ថ្ងៃ ក្នុងអំឡុងពេល១០ សប្តាហ៍ដំបូងនៃការមានផ្ទៃពោះ។
- វេជ្ជបណ្ឌិតរបស់អ្នកអាចពិនិត្យកម្រិតអ័រម៉ូនទាំងនេះនៅក្នុងការធ្វើតេស្តជាច្រើនដើម្បីបញ្ជាក់ពីដំណើរការនៃការមានផ្ទៃពោះដំបូងរបស់អ្នក។
- ប្រសិនបើអ្នកធ្វើតេស្ត ហើយឃើញលទ្ធផលអវិជ្ជមាន ប៉ុន្តែអ្នកកត់សម្គាល់ថា អ្នកមានរោគសញ្ញានៃការមានផ្ទៃពោះ នោះត្រូវរងចាំ ២ ឬ៣ថ្ងៃទៀតសិន ចាំធ្វើតេស្តម្តងទៀត។
តើការធ្វើតេស្តពិនិត្យផ្ទៃពោះនៅផ្ទះផ្ដល់លទ្ធផលត្រឹមត្រូវកម្រិតណា
ការធ្វើតេស្តភាគច្រើនអាចវិនិច្ឆ័យថាមានផ្ទៃពោះបាន ៩០% នៅថ្ងៃដំបូងនៃការបាត់រដូវ ប៉ុន្តែប្រសិនបើរង់ចាំរហូតមួយសប្តាហ៍បន្ទាប់ពីអ្នកបាត់រដូវ នោះការធ្វើតេស្តនឹងបង្ហាញលទ្ធផលច្បាស់រហូតដល់ ៩៧%។
បន្ទាប់ពី ១៤ ថ្ងៃនៃការបង្កកំណើត មានន័យថាអ្នកមានផ្ទៃពោះបាន ៤សប្តាហ៍។ ក្រៅពីការប្រែប្រួលអ័រម៉ូន មានការប្រែប្រួលជាច្រើនទៀតក្នុងរាងកាយរបស់អ្នក៖
- ក្នុងអំឡុងពេលសប្ដាហ៍ទី ៤ នៃការមានផ្ទៃពោះ ស្បូនចាប់ផ្តើមឡើងក្រាស់ និងមានស្រទាប់ដែលមាន សរសៃឈាម ដើម្បីទ្រទ្រង់ដល់ការលូតលាស់របស់ទារក។
- កស្បូន ដែលជាច្រកចូលទៅកាន់ស្បូន និងជាកន្លែងដែលទារកស្ថិតនៅ អាចចាប់ផ្តើមទន់ និងប្តូរពណ៌។ វេជ្ជបណ្ឌិតរបស់អ្នកអាចពិនិត្យត្រង់ចំណុចនេះ ដើម្បីបញ្ជាក់ថា អ្នកមានផ្ទៃពោះនៅពេលធ្វើការណាត់ជួបលើកដំបូង។
- ការឈឺដោះ គឺជាសញ្ញាប្រែប្រួលដំបូងដែលបង្ហាញថា អ្នកមានផ្ទៃពោះ។ ជាទូទៅ ការឈឺដោះនេះនឹងបាត់ទៅវិញបន្ទាប់ពីរ ឬបីខែដំបូង។ ដោះរបស់អ្នកហាក់ដូចជាធ្ងន់ជាងមុន ឬពេញ។
- នៅពេលអ្នកមានផ្ទៃពោះបាន៤សប្តាហ៍ អ្នកអាចកត់សម្គាល់ឃើញសញ្ញាមួយចំនួនតូចនៃការមានផ្ទៃពោះដំបូង មុនពេលអ្នកធ្វើតេស្ត។
- ផ្នែកអារម្មណ៍ អ្នកអាចនឹងសប្បាយចិត្ត និងព្រួយបារម្ភ ឬអាចមានអារម្មណ៍ទាំងពីរក្នុងពេលតែមួយ។ ស្ត្រីម្នាក់ៗមានអារម្មណ៍ខុសៗគ្នា ប៉ុន្តែវាជារឿងធម្មតាទេដែលត្រូវមានអារម្មណ៍ចម្រុះគ្នាបែបនេះ។
សុខភាពល្អ និងអាហារូបត្ថម្ភនៅសប្ដាហ៍ទី ៤
អបអរសាទរ! តើអ្នកចង់ចែករំលែកព័ត៌មានសំខាន់នេះជាមួយអ្នកផ្សេងទៀតនៅពេលណា? ពេលណាក៏បានដែរ។ វាអាស្រ័យលើអ្នក និងដៃគូរបស់អ្នកសម្រេចថាតើពេលណាល្អគួរចែករំលែកព័ត៌មាននេះ។ អ្នកអាច ពិចារណាពីគន្លឹះសម្រាប់ចែករំលែកព័ត៌មានសំខាន់ៗរបស់អ្នកនៅកន្លែងធ្វើការ។
ការឆ្ពោះទៅមុខ
រយៈពេលនៃការមានផ្ទៃពោះចែកចេញជា ៤០សប្តាហ៍ ឬ៩ខែ ឬ៣ត្រីមាស។
- ត្រីមាសទី១ ចាប់រាប់ពីសប្តាហ៍ទី១ រហូតដល់សប្ដាហ៍ទី ១២។
- ត្រីមាសទី២ ចាប់រាប់ពីសប្តាហ៍ទី១៣ រហូតដល់សប្ដាហ៍ទី ២៨។
- ត្រីមាសទី៣ ចាប់រាប់ពីសប្តាហ៍ទី២៩ រហូតដល់សប្ដាហ៍ទី ៤០។
ការកំណត់ពេលជួបជាមួយវេជ្ជបណ្ឌិត
- ប្រសិនបើការពិនិត្យផ្ទៃពោះនៅផ្ទះផ្ដល់លទ្ធផលវិជ្ជមាន អ្នកប្រាកដជាចង់ណាត់ជួបជាមួយវេជ្ជបណ្ឌិតរបស់អ្នក។ វេជ្ជបណ្ឌិតភាគច្រើននឹងធ្វើការណាត់ជួបនៅចន្លោះសប្តាហ៍ទី ៦ និងទី១០ នៃការមានផ្ទៃពោះ។ ដើម្បីឲ្យអ្នកត្រៀមខ្លួនរួចជាស្រេចសម្រាប់ការណាត់ជួបដំបូងនេះ សូមមើលតារាងត្រួតពិនិត្យការណាត់ជួបវេជ្ជបណ្ឌិតលើកដំបូងមុនពេលសម្រាល។
- ការទទួលបានព័ត៌មានពីការមានផ្ទៃពោះ គឺជាផ្នែកមួយដ៏សំខាន់នៃការផ្ទៃពោះមានដែលមានសុខភាព ល្អ។ ប៉ុន្តែរាល់បំរាមសុខភាព និងការណែនាំពីការថែទាំផ្ទៃពោះតែងតែមានការផ្លាស់ប្តូរ។ ដំបូន្មានសម្រាប់ពេលនេះ អាចខុសគ្នាពីអ្វីដែលអ្នកបានដឹងពីមុន។ សូមប្រឹក្សាជាមួយវេជ្ជបណ្ឌិតរបស់អ្នកនូវរាល់ចម្ងល់នានា។
ការធ្វើហាត់ប្រាណ — សកម្មភាពក្នុងអំឡុងពេលមានផ្ទៃពោះ
- អ្នកទើបតែទទួលបានដំណឹងល្អ និងប្រាកដជាចង់ដឹងពីសកម្មភាពដែលអាចប៉ះពាល់ដល់ទារកក្នុងផ្ទៃ ជាពិសេសក្នុងរយៈពេលប៉ុន្មានសប្តាហ៍ និងខែដំបូងទាំងនេះ។
- នៅពេលអ្នកមានផ្ទៃពោះបាន ៤ សប្តាហ៍ ការធ្វើលំហាត់ប្រាណឲ្យបានទៀងទាត់នឹងបន្តធ្វើឲ្យរាងកាយរបស់អ្នករឹងមាំ។ ការធ្វើលំហាត់ប្រាណនឹងជួយឲ្យរាងកាយរបស់អ្នកត្រៀមខ្លួនបានយ៉ាងល្អក្នុងការផ្តល់សុខភាពល្អដល់ទារកក្នុងផ្ទៃ។
អាហារូបត្ថម្ភក្នុងអំឡុងសប្តាហ៍ទី៤ នៃការមានផ្ទៃពោះ
- ការញ៉ាំទឹកឲ្យបានគ្រប់គ្រាន់មានសារៈសំខាន់បំផុតសម្រាប់ការមានផ្ទៃពោះដំបូង។ រាងកាយរបស់អ្នកចាប់ផ្តើមបង្កើនចរន្តឈាម ហើយទារកក្នុងផ្ទៃត្រូវការសារធាតុរាវច្រើន។ ការញ៉ាំទឹកឲ្យបានគ្រប់គ្រាន់ក៏អាចជួយបំបាត់ភាពអស់កម្លាំង និងបង្ការការទល់លាមកផងដែរ។
- ជ្រើសរើសយកទឹក ឬភេសជ្ជៈបំប៉ន ដូចជា ទឹកដោះគោដែលមានជាតិខ្លាញ់ទាប ឬទឹកផ្លែឈើសុទ្ធ។
សប្តាហ៍ទី៥នៃការមានផ្ទៃពោះ
ប្រវែងប៉ុនចុងប៊ិច
ការលូតលាស់ និងការវិវឌ្ឍរបស់ទារកនៅសប្ដាហ៍ទី ៥
បន្ទាប់ពីការលូតលាស់កោសិកាយ៉ាងលឿនច្រើនសប្តាហ៍មក ទារករបស់អ្នកមានទំហំកាន់តែច្បាស់ជាងមុន។ ក្នុងអំឡុងសប្ដាហ៍ទី ៥ នៃការមានផ្ទៃពោះ ខាងក្រោមនេះគឺជាដំណើរការដែលកំពុងកើតឡើងនៅខាងក្នុង៖
- បេះដូង និងប្រដាប់របត់ឈាមរបស់ទារកលេចចេញជារូបរាង- ពំនើងបង្ហាញពីកន្លែងដែលបេះដូងរបស់ទារកកំពុងលូតលាស់។ នៅចុងសប្តាហ៍ទី៥ សរសៃឈាមដំបូងបំផុតរបស់ទារកចាប់ផ្ដើមកកើត។
- ក្នុងអំឡុងសប្តាហ៍ទី៥ បេះដូងទារកចាប់ផ្តើមលោត និងអាចមើលឃើញតាមសូរអ៊ុលត្រា។
- ទងសុកជំនួសឲ្យថង់ពង។ ទងសុកប្រតិបត្តិការជាមួយសុកដើម្បីដឹកនាំអាហារ និងអុកស៊ីហ្សែនទៅឲ្យទារក និងបញ្ចេញកាកសំណល់។
- នៅពេលអ្នកមានផ្ទៃពោះបាន៥សប្តាហ៍ ទារករបស់អ្នកមានប្រវែងប៉ុនចុងប៊ិច ប្រហែល១/១៧អ៊ីង និងលូតលាស់យ៉ាងលឿនរៀងរាល់ថ្ងៃ។
ការបែប្រួលរាងកាយនៅសប្ដាហ៍ទី ៥
ទោះបីជាដំណាក់កាលក្រោយៗមកទៀតនៃការមានផ្ទៃពោះធ្វើឲ្យមានការប្រែប្រួលលក្ខណៈខាងក្រៅក៏ដោយ ប៉ុន្តែ សប្តាហ៍ទីមួយនៃការមានផ្ទៃពោះ ធ្វើឲ្យមានការប្រែប្រួលខ្លាំងក្នុងខ្លួនរបស់អ្នក។ ប្រព័ន្ធទាំងអស់នៅក្នុងរាងកាយនៅពេលអ្នកមានផ្ទៃពោះ បានផ្លាស់ប្ដូរដើម្បីជួយដល់ការលូតលាស់របស់ទារក។ ក្នុងអំឡុងសប្ដាហ៍ទី ៥ នៃការមានផ្ទៃពោះ អ្នកអាចចាប់ផ្តើមកត់សម្គាល់អាការៈដូចខាងក្រោម ៖
មានអារម្មណ៍អស់កម្លាំង? រាងកាយរបស់អ្នកផលិតឈាមកាន់តែច្រើន ដើម្បីដឹកនាំអុកស៊ីហ្សែន និងសារធាតុចិញ្ចឹមទៅឲ្យទារក។ រាងកាយរបស់អ្នកនឹងផលិតឈាមកាន់តែច្រើននៅសប្តាហ៍ទី៥ ដែលដាក់សម្ពាធលើរបត់ឈាមរបស់អ្នក។ សង្វាក់បេះដូងរបស់អ្នកមានការកើនឡើងដើម្បីរក្សាដំណើរការ ហើយការប្រែប្រួលទាំងអស់នេះហើយដែលធ្វើឲ្យអ្នកអស់កម្លាំង វិលមុខ ឬឈឺក្បាល។
នៅសប្តាហ៍ទី៥ អ្នកអាចមានរោគសញ្ញាខ្លះៗនៃការមានផ្ទៃពោះដំបូង។ រោគសញ្ញាទាំងនេះ រួមមាន ការប្រែប្រួលលើដោះ រកកលចង់ក្អួត ស្រូបក្លិនបានកាន់តែដឹង នោមញឹក ឬមានអារម្មណ៍ផ្លាស់ប្ដូរច្រើន។ ស្ត្រីភាគច្រើនចាប់ផ្តើមមានរោគសញ្ញានៅពេលមានផ្ទៃពោះបាន៥សប្តាហ៍។ ទោះយ៉ាងណាការមានផ្ទៃពោះមានលក្ខណៈខុសប្លែកគ្នា។ រោគសញ្ញាខ្លះអាចកើតមាននៅពេលក្រោយ ឬមិនមានទាល់តែសោះ។
ក្នុងអំឡុងសប្តាហ៍ទី៥ សុកដែលមានតួនាទីចិញ្ចឹមទារក មានការលូតលាស់ និងការពារស្បូនដែលដំណើរការនេះអាចធ្វើឲ្យមានធ្លាក់ឈាមតិចៗ។
នៅសប្ដាហ៍ទី ៥ អ្នកអាចមានអារម្មណ៍ថា ក្លិនមួយចំនួនដែលអ្នកធ្លាប់ចូលចិត្តអាចនឹងធ្វើឲ្យអ្នកចង់ក្អួត។ អ្នកប្រាកដជាប្រឹងរកថាតើក្លិននោះចេញពីប្រភពណា និងព្យាយាមជៀសឆ្ងាយពីក្លិននោះ។
ប្រសិនបើអ្នកមានអារម្មណ៍ប្រែប្រួលខ្លាំងក្នុងដំណាក់កាលពរពោះដំបូង មិនមែនមានតែអ្នកមួយទេដែលមានអារម្មណ៍បែបនេះ។ អ្នកប្រហែលជាចង់ឲ្យដៃគូ គ្រួសារ និងមិត្តភក្ដិដឹងពីអារម្មណ៍នេះ និងដើម្បីទទួលបានការផ្ដល់ជាកម្លាំងចិត្ត។
សុខភាពល្អ និងអាហារូបត្ថម្ភនៅពេលមានផ្ទៃពោះបាន៥សប្តាហ៍
ធ្វើការណាត់ជួបជាមួយវេជ្ជបណ្ឌិតរបស់អ្នកឲ្យបានច្រើន
ការថែទាំផ្ទៃពោះមុនពេលសម្រាលបានទៀងទាត់គឺជាផ្នែកមួយដ៏សំខាន់នៃការពិនិត្យតាមដានសុខភាពរបស់អ្នក និងទារកក្នុងផ្ទៃ។ ឥឡូវនេះដល់ពេលត្រូវណាត់ជួបវេជ្ជបណ្ឌិតដើម្បីធ្វើការពិនិត្យផ្ទៃពោះមុនពេលសម្រាលលើកដំបូងរបស់អ្នកហើយ។ វេជ្ជបណ្ឌិតភាគច្រើននឹងរៀបចំការណាត់ជួបនៅចន្លោះសប្តាហ៍ទី៦ និងទី១០នៃការមានផ្ទៃពោះ។
- ការណាត់ជួបវេជ្ជបណ្ឌិតមុនពេលសម្រាលលើកដំបូងរបស់អ្នកគឺជាការណាត់ជួបដ៏សំខាន់បំផុត។ ក្នុងអំឡុងពេលពិនិត្យផ្ទៃពោះនេះ វេជ្ជបណ្ឌិតរបស់អ្នកនឹងបញ្ជាក់ប្រាប់ថាអ្នកមានផ្ទៃពោះ និងកត់ត្រាប្រវត្តិជំងឺរបស់អ្នក។ វេជ្ជបណ្ឌិតរបស់អ្នកនឹងធ្វើការពិនិត្យមើលសរីរាង្គកាយរបស់អ្នក និងធ្វើតេស្តបន្ថែមទៀត ដើម្បីប្រាកដថា អ្នក និងទារកមានសុខភាពល្អ។
- ការទំនាក់ទំនងល្អគឺជាគន្លឹះមួយនាំទៅរកភាពជោគជ័យជាមួយអ្នកផ្តល់សេវាថែទាំសុខភាពរបស់អ្នក។ ប្រសិនបើអ្នកមិនយល់ពីអ្វីដែលវេជ្ជបណ្ឌិតរបស់អ្នកនិយាយ អ្នកត្រូវសុំការបញ្ជាក់បន្ថែម ឬព័ត៌មានលម្អិតផ្សេងទៀត។
- ការទទួលបានព័ត៌មាន និងត្រៀមរួចជាស្រេច ៖ កាលណាអ្នកដឹងព័ត៌មានកាន់តែច្រើន អ្នកនឹងអាចជ្រើសរើសជម្រើសដ៏ល្អបំផុតបានកាន់តែប្រសើរក្នុងអំឡុងពេលមានផ្ទៃពោះ។
- ការថែទាំផ្នែកផ្សេងទៀតក្រៅពីពោះ ៖ ត្រូវចាំថា អ្នកត្រូវថែទាំកន្លែងផ្សេងទៀតសម្រាប់សុខភាពរបស់ អ្នក។ អ្នកត្រូវរៀបចំការណាត់ជួបជាមួយទណ្ឌបណ្ឌិតជាប្រចាំ និងលើកឡើងពីបញ្ហាសុខភាពផ្សេងទៀតក្នុងករណីកើតមាន។
ការធ្វើលំហាត់ប្រាណ៖ ស្វែងរកសកម្មភាពដែលសាកសមសម្រាប់អ្នក
ការធ្វើលំហាត់ប្រាណជួយឲ្យអ្នក និងទារកមានសុខភាពល្អ។ ជាងនេះទៅទៀត ការមានទម្លាប់ដែលមានសុខភាពល្អនៅថ្ងៃនេះគឺជាមូលដ្ឋានសម្រាប់សម្រួលដល់ការឈឺពោះសម្រាល និងការផ្ដល់កំណើតនៅពេលខាងមុខ។ ស្វែងរកគំរូលំហាត់ប្រាណមួយចំនួនតូចដែលអាចជួយឲ្យអ្នកកំណត់រកសកម្មភាពត្រឹមត្រូវ។
- ពិភាក្សាជាមួយវេជ្ជបណ្ឌិតរបស់អ្នកអំពីការកែប្រែកម្មវិធីធ្វើលំហាត់ប្រាណ ឬសកម្មភាពសុខភាពរបស់ អ្នក។
- រៀបចំសម្ភារធ្វើលំហាត់ប្រាណដោយខ្លួនឯងដោយជ្រើសរើសស្បែកជើងត្រឹមត្រូវ និងអាវកីឡាក្នុងដែលមានទម្រធំទូលាយ។
- មិនត្រូវរំលងការហាត់ប្រាណដោយលាដៃជើងយឺតៗឡើយ! ចាប់ផ្តើម និងបញ្ចប់ការធ្វើលំហាត់ប្រាណរបស់អ្នកដោយលាដៃជើងយឺតៗ ដើម្បីកុំឲ្យឈឺសាច់ដុំ។
- ក្រោកយឺតៗប្រសិនបើអ្នកកំពុងគេង ឬអង្គុយដើម្បីកុំឲ្យវិលមុខ ឬដួលសន្លប់។
- អ្នកប្រហែលជាដឹងហើយថា ការធ្វើលំហាត់ប្រាណមួយចំនួនជួយបំបាត់ការចុកឆ្អល់ និងការឈឺចាប់ដែលបណ្ដាលមកពីការមានផ្ទៃពោះ។ ព្យាយាមលាដៃជើង ដើរ ហែលទឹក ហាត់ប្រាណក្នុងទឹក ធាក់កង់ដែលនៅមួយកន្លែង ការហាត់ប្រាណដែលមានផលប៉ះពាល់តិចតួច ឬម៉ាស៊ីនសម្រួលសរសៃឈាមក្នុងបេះដូងដែលមានផលប៉ះពាល់ទាប។ សូមធ្វើការសាកល្បងដើម្បីរកឃើញទម្លាប់ដែលល្អបំផុតសម្រាប់អ្នក។ព្យាយាមធ្វើលំហាត់ប្រាណរាងកាយប្រហែល ៣០នាទី ឬហាត់ប្រាណឲ្យបានច្រើនថ្ងៃក្នុងសប្តាហ៍នីមួយៗ។
អាហារូបត្ថម្ភ
ការមានផ្ទៃពោះគឺជាពេលមួយដ៏ល្អបំផុតក្នុងការបរិភោគអាហារូត្ថម្ភឲ្យបានច្រើន ដោយសារក្នុងអំឡុងពេលនេះជម្រើសអាហាររបស់អ្នកអាចប៉ះពាល់អ្នក និងទារកក្នុងផ្ទៃ។ ក្នុងអំឡុងសប្ដាហ៍ ទី ៥ ៖
- បន្តបរិភោគអាហារដែលមានតុល្យភាព។
- នៅពេលអ្នកមានអារម្មណ៍ឃ្លានខ្លាំង ត្រូវបន្ថែមអាហារខ្លះទៀត ដែលជាអាហារដែលមានកាល់ឡូរីល្អៗទៅក្នុង របបអាហាររបស់អ្នក។ អំឡុងត្រីមាសទី១ អ្នកមិនគួរបន្ថែមកាល់ឡូរីទៅក្នុងរបបអាហាររបស់អ្នកឡើយ។ត្រូវចាំថា តុល្យភាពមិនមែនមាននៅក្នុងអាហារនីមួយៗទេ។ ប្រើអាហារពីរ៉ាមីត USDA សម្រាប់ជាការណែនាំពីអាហារូបត្ថម្ភ និងរកមើលផ្នែកសម្រាប់ស្ត្រីមានផ្ទៃពោះ។
សប្តាហ៍ទី៦នៃការមានផ្ទៃពោះ
គ្រប់ប្រព័ន្ធទាំងអស់ដំណើរការ!
ការលូតលាស់ និងការវិវឌ្ឍរបស់ទារកនៅសប្តាហ៍ទី ៦
ក្នុងអំឡុងសប្ដាហ៍ទី ៦ ទារករបស់អ្នកលូតលាស់ក្នុងអាត្រាមួយដ៏លឿន ហើយប្រព័ន្ធរបស់ទារកក៏លូតលាស់ គួរឲ្យកត់សម្គាល់ផងដែរ។ ខាងក្រោមនេះគឺជាការវិវឌ្ឍក្នុងអំឡុងសប្ដាហ៍ទី ៦ ៖
- ឥឡូវនេះ ទារកក្នុងផ្ទៃដែលហៅថាអំប្រ៊ីយ៉ុង ពិតជាមើលឃើញយ៉ាងច្បាស់តាមសូរអ៊ុលត្រា។ អំប្រ៊ីយ៉ុងនេះមានប្រវែងប្រហែល ១/៨ អ៊ីង ទំហំប៉ុនគ្រាប់អង្ករ។
- នៅពេលអ្នកមានផ្ទៃពោះបាន៦សប្តាហ៍ ប្រព័ន្ធប្រាសាទ និងសរីរាង្គសំខាន់ៗទាំងអស់របស់ទារក ដូចជា បេះដូង ក្រលៀន ថ្លើម និងសួតចាប់ផ្តើមកើតមុនគេ។
- ផ្នែកមុខ មានផ្គាម ថ្ពាល់ ចង្កា ត្រចៀក ច្រមុះ និងភ្នែក ចាប់ផ្តើមកើតឡើងក្នុងអំឡុងសប្តាហ៍ទី៦។
- បេះដូងទារកលោតប្រហែល ៨០ដងក្នុងមួយនាទី ហើយលោតកាន់តែលឿនជារៀងរាល់ថ្ងៃ។
សុខភាពល្អ និងអាហារូបត្ថម្ភនៅសប្ដាហ៍ទី ៦
តើអ្នកសម្រាលនៅថ្ងៃណា? តើការមានផ្ទៃពោះដំណើរការដូចម្តេច? តើអ្នកគិតថានឹងមានអ្វីកើតឡើងនៅ សប្ដាហ៍បន្តបន្ទាប់ទៀត? មានចម្ងល់ជាច្រើនពាក់ព័ន្ធដំណាក់កាលដំបូងនៃការមានផ្ទៃពោះ។ ដូច្នេះដល់ពេលដែលអ្នកត្រូវទទួលបានការពិនិត្យផ្ទៃពោះមុនពេលសម្រាលពីវេជ្ជបណ្ឌិតរបស់អ្នកហើយ។
តារាងការពិនិត្យផ្ទៃពោះមុនពេលសម្រាលនេះអាចជួយឲ្យអ្នកត្រៀមខ្លួនរួចជាស្រេច។
- ប្រវត្តិជំងឺរបស់អ្នក:
- ថ្ងៃមករដូវចុងក្រោយ ___________________
- ការប្រើប្រាស់ថ្នាំពន្យារកំណើត _________________
- វេជ្ជបញ្ជា _______________
- ប្រតិកម្មថ្នាំ ____________________
- លក្ខខណ្ឌវេជ្ជសាស្ត្រ _________________
- ការធ្វើលំហាត់ប្រាណ ______________
- របបអាហារូបត្ថម្ភ _________________
- ថ្ងៃសម្រាល។ ប្រសិនបើអ្នកដឹងថ្ងៃសម្រាល នោះអាចជួយឲ្យវេជ្ជបណ្ឌិតធ្វើការតាមដានដំណើរការ និងការលូតលាស់របស់ទារកបានកាន់តែត្រឹមត្រូវ។
ថ្ងៃសម្រាល ៖ _______________________________
- ការធ្វើតេស្តមូលដ្ធាន:
- ទម្ងន់ __________________
- សម្ពាធឈាម ________________
- ចង្វាក់បេះដូង ________________
- ការពិនិត្យទឹកនោម និងឈាម
- ការពិនិត្យអាងត្រគាក និងក្បាលដោះ
- សំណួររបស់អ្នក៖
_________________________________________________
________________________________________________-
_________________________________________________
ការធ្វើលំហាត់ប្រាណក្នុងអំឡុងពេលមានផ្ទៃពោះ
អត្ថប្រយោជន៍នៃការធ្វើហាត់ប្រាណអាចជួយទ្រទ្រង់ទាំងសុខភាពរបស់អ្នក និងទារកក្នុងផ្ទៃ។ ការធ្វើលំហាត់ប្រាណអំឡុងពេលមានផ្ទៃពោះ មានសារៈសំខាន់ក្នុងការ៖
- ធ្វើឲ្យមានតុល្យភាពការហើមសរសៃ ចុកជើង អស់កម្លាំង ហើមពោះ ហើមខ្លួន និងទល់លាមក
- រក្សាទម្ងន់សាច់ដុំ
- កាត់បន្ថយការឈឺខ្នង និងពង្រឹងជំហរ
- បង្កើនថាមពល
- ជួយឲ្យអ្នកសម្រាក និងគេងបានស្រួល
ការប្រើប្រាស់អាហារូបត្ថម្ភ ដើម្បីគ្រប់គ្រងការចាញ់កូន
បើសិនអ្នករកកលចងក្អួត និងក្អួត អ្នកអាចបន្ថយអាការៈនេះបាន។ នេះជាវិធីសាស្ត្រខ្លះៗដែលអាចជួយអ្នកបាន ៖
ការប្រែប្រួលរាងកាយនៅពេលមានផ្ទៃពោះបាន ៦សប្តាហ៍
ខណៈដែលទារកក្នុងផ្ទៃកំពុងលូតលាស់ រាងកាយរបស់អ្នកក៏មានការប្រែប្រួលច្រើនអំឡុងសប្ដាហ៍ទី ៦ផងដែរ។
- អ័រម៉ូនចាប់ផ្តើមកើនឡើង រួមមាន ការកើនឡើងខ្ពស់នៃអ័រម៉ូន estrogen និងអ័រម៉ូន progesterone hCG (human chorionic gonadotropin) ដែលជាអ័រម៉ូនបង្ហាញថាអ្នកមានផ្ទៃពោះ និង HPL (human placental lactogen)ជាអ័រម៉ូនជំរុញការលូតលាស់របស់ទារក។
- នៅពេលអ័រម៉ូនកើនឡើងក្នុងអំឡុងសប្តាហ៍ទី៦ រាងកាយរបស់អ្នកអាចមានប្រតិកម្មទាំងផ្លូវកាយ និងផ្លូវចិត្ត។
- នៅសប្តាហ៍ទី៦ រោគសញ្ញាទូទៅនៃការមានផ្ទៃពោះមានដូចជា រកកលចង់ក្អួត និងក្អួត ចាញ់កូន ដែល អាការៈនេះមិនមែនកើតមានតែពេលព្រឹកប៉ុណ្ណោះទេ ហើយអ្នកក៏មានការប្រែប្រួលអារម្មណ៍ផងដែរ។
- នៅសប្ដាហ៍ទី ៦ ស្ត្រីមួយចំនួនកត់សម្គាល់ឃើញរោគសញ្ញាផ្សេងៗទៀតនៃការមានផ្ទៃពោះ។ រោគសញ្ញាទាំងនេះរួមមាន ដោះឡើងតឹង ឈឺក្បាល ខ្សោយ ឬវិលមុខ នោមញឹក គេងមិនលក់ អស់កម្លាំង ចេញទឹកមាត់ច្រើន ទល់លាមក មិនចង់ញ៉ាំអាហារ និងមានអារម្មណ៍ប្រែប្រួល។
- ប្រសិនបើមានរោគសញ្ញាណាមួយមានសភាពធ្ងន់ធ្ងរ សូមពិភាក្សាជាមួយវេជ្ជបណ្ឌិតរបស់អ្នក ហើយក៏កុំព្រួយបារម្ភអី ប្រសិនបើអ្នកមិនមានរោគសញ្ញាទាំងនេះ ឬមិនមាន “អារម្មណ៍” ថាខ្លួនអ្នកមានផ្ទៃពោះ។ រាងកាយរបស់ស្ត្រីគ្រប់រូបមានភាពខុសៗគ្នា។
- ការធ្លាក់ឈាមតិចៗ ឬការហូរឈាមតាមទ្វារមាស ក៏អាចកើតឡើងក្នុងអំឡុងសប្ដាហ៍ទី ១២ផងដែរ។ ស្ត្រីមានផ្ទៃពោះច្រើនប្រហែល ៤០% អាចមានការធ្លាក់ឈាមនេះ។ សូមពិភាក្សាជាមួយវេជ្ជបណ្ឌិតរបស់អ្នក ប្រសិនបើអ្នកព្រួយបារម្ភពីការហូរ ឬការធ្លាក់ឈាមនេះ។
ការមានផ្ទៃពោះនៅសប្ដាហ៍ទី ៧
ក្មេងដ៏តូចមួយបានលេចឡើង
ការលូតលាស់ និងការវិវឌ្ឍរបស់ទារកនៅសប្ដាហ៍ទី ៧
ក្នុងអំឡុង ៦ សប្ដាហ៍ដំបូង ចង្វាក់បេះដូងរបស់ទារកគឺជារឿងមួយដ៏អស្ចារ្យ។ នៅសប្តាហ៍ទី៧ ចំណុចដែលគួរឲ្យរំភើបបំផុតគឺការលូតលាស់មុខ និងរូបរាងរបស់ទារក។ ផ្នែកសំខាន់ៗក្នុងអំឡុងសប្ដាហ៍ទី ៧ រួមមាន ៖
- នៅសប្តាហ៍ទី៧ ទារកមានប្រវែង១/៣អ៊ីង រហូតដល់ពាក់កណ្តាលអ៊ីង ជិតស្មើប្រវែងក្រចកកូនដៃរបស់អ្នក។
- មុខទារកកាន់តែច្បាស់នៅពេលអ្នកមានផ្ទៃពោះបាន៧សប្តាហ៍។ មាត់ ស្លាបច្រមុះ និងត្រចៀកចាប់ផ្តើមលេចឡើង។
- នៅពេលអ្នកមានផ្ទៃពោះបាន៧សប្តាហ៍ កែវភ្នែកនៅក្នុងភ្នែកទារកចាប់ផ្តើមកកើត ហើយពណ៌ប្រស្រីផ្នែកអាចមើលឃើញ។
- ដៃ ស្មា ប្រអប់ដៃ ជើង និងប្រអប់ជើងចាប់ផ្តើមមានរូបរាងនៅសប្តាហ៍ទី៧ ជាមួយនឹងការកកើតដំបូងនៃម្រាមដៃ ចំណែកម្រាមជើងកកើតនៅសប្តាហ៍បន្ទាប់។
- នៅសប្តាហ៍ទី៧ និងទី៨ រូបរាងទារកលូតវែង ហើយកលូតត្រង់។
- ខួរក្បាលទារកកាន់តែមានភាពស្មុគស្មាញក្នុងអំឡុងសប្តាហ៍ទី៧។ លលាដ៍ក្បាលដែលកំពុងលូតលាស់ដើម្បីការពារខួរក្បាល មានលក្ខណៈថ្លា និងរាងមូល។
ការប្រែប្រួលរាងកាយនៅសប្ដាហ៍ទី ៧
រាងកាយរបស់អ្នកនៅបន្តមានការផ្តាស់ប្តូរច្រើនដើម្បីទ្រទ្រង់ដល់ការលូតលាស់របស់ទារកក្នុងអំឡុងសប្តាហ៍ទី៧ និងទី៨។ ខាងក្រោមនេះគឺជាដំណើរការដែលកំពុងកើតឡើង ៖
- ការផលិតអ័រម៉ូនមានការកើនឡើងក្នុងអំឡុងសប្តាហ៍ទី៧។
- អ្នកអាចបន្តមានរោគសញ្ញាទូទៅនៃការមានផ្ទៃពោះ ដូចជា ឈឺដោះ អស់កម្លាំង ឬខ្សោយ។
- អ្នកហាក់មានអារម្មណ៍ថា អ្នកមានរោគសញ្ញាដូចមុនពេលមករដូវ (PMS) និងមានអារម្មណ៍ច្របូកច្របល់។
- នៅសប្តាហ៍ទី៧ សន្ទះទឹករំអិលបិទនៅបំពង់កស្បូន ដែលជួយការពារមេរោគមិនឲ្យចូលទៅក្នុងស្បូនរបស់អ្នក។ សន្ទះទឹករំអិលនឹងធ្វើដំណើរយឺតៗក្នុងផ្ទៃពោះ។
សុខភាពល្អ និងអាហារូបត្ថម្ភនៅសប្ដាហ៍ទី ៧
អាហារូបត្ថម្ភ ការធ្វើលំហាត់ប្រាណ និងការសម្រាកគឺផ្នែកដ៏សំខាន់នៃការមានផ្ទៃពោះដែលមានសុខភាពល្អ។ ការអនុវត្តទម្លាប់ល្អពីឥឡូវនឹងជួយអ្នកទាំងក្នុងដំណាក់កាលមានផ្ទៃពោះ អំឡុងពេលឈឺពោះសម្រាល និងសម្រាល និងបន្ទាប់ពីសម្រាល។
ការធ្វើលំហាត់ប្រាណដើម្បីខ្លួនអ្នក និងទារកក្នុងផ្ទៃ
ប្រសិនបើអ្នកធ្លាប់ធ្វើលំហាត់ប្រាណគិតមកត្រឹមសប្តាហ៍ទី ៧ អ្នកពិតជាមានការចាប់ផ្តើមដ៏ប្រសើរ។ ប្រសិនបើអ្នកមិនធ្លាប់បានធ្វើលំហាត់ប្រាណទេនោះ នេះជាពេលវេលាដ៏ល្អក្នុងការចាប់ផ្តើម។ ត្រូវចាំថា ៖
- ការណែនាំពីរបបអាហារសម្រាប់ប្រជាជនអាមេរិក ស្នើឲ្យមានការធ្វើលំហាត់ប្រាណដោយចលនាមធ្យម រយៈពេល ៣០នាទី ឬច្រើនជាងនេះក្នុងរយៈពេលមួយសប្ដាហ៍ពេញ ឬច្រើនថ្ងៃក្នុងមួយសប្ដាហ៍។ ព្យាយាមហាត់ប្រាណ ៣០នាទី ឬហាត់ប្រាណរៀងរាល់ថ្ងៃ។
- អ្នកអាចបំបែកសកម្មភាពហាត់ប្រាណទៅជាផ្នែកតូចៗក្នុងមួយថ្ងៃ ឬអនុវត្តសកម្មភាពទាំងអស់ក្នុងពេលតែមួយ។
- ស្ត្រីមានផ្ទៃពោះដែលមានបញ្ហាវេជ្ជសាស្ត្រ ឬផ្នែកសម្ភព គួរពិភាក្សាជាមួយវេជ្ជបណ្ឌិតរបស់ខ្លួនអំពីផែនការធ្វើលំហាត់ប្រាណ។
អាហារូបត្ថម្ភ
នៅចន្លោះសប្តាហ៍ទី៥ និងទី៨ អាហារូបត្ថម្ភដើរតួនាទីយ៉ាងសំខាន់ក្នុងការទ្រទ្រង់ការលូតលាស់ប្រព័ន្ធប្រាសាទ ប្រព័ន្ធរំលាយអាហារ ប្រព័ន្ធដង្ហើម ចរន្តឈាម និងប្រព័ន្ធបន្តពូជរបស់ទារក។ នៅសប្តាហ៍ទី៧ សូមបន្តផ្ដល់អាទិភាពអាហារូបត្ថម្ភ ដោយអនុវត្តតាមចំណុចដូចខាងក្រោម ៖
- ការរកកលចង់ក្អួត ការក្អួត ការឆ្អល់ចុងដង្ហើម ការមិនរំលាយអាហារ និងការប្រែប្រួលផ្សេងទៀតនៅក្នុងប្រព័ន្ធរំលាយអាហាររបស់អ្នកអាចធ្វើឲ្យអ្នកពិបាកញ៉ាំអាហារ។ សូមព្យាយាម ៖
- ញ៉ាំអាហារតិចៗ ប៉ុន្តែឲ្យបានញឹកញាប់
- កំណត់បរិមាណអាហារដែលធ្វើឲ្យប៉ះពាល់ប្រព័ន្ធរំលាយអាហារ
- ញ៉ាំសារធាតុរាវឲ្យបានច្រើន ជាពិសេសទឹក
- បរិភោគអាហារមានជាតិដែកទ្វេដង។ ការកើនឡើងនូវបរិមាណឈាមក្នុងអំឡុងពេលមានផ្ទៃពោះ និងតម្រូវការនៃការលូតលាស់របស់ទារក ធ្វើឲ្យស្ត្រីមានផ្ទៃពោះប្រឈមនឹងហានិភ័យខ្ពស់នៃការខ្វះជាតិដែក ឬខ្វះឈាមក្រហម។ ត្រូវញ៉ាំអាហារដែលសំបូរដោយជាតិដែក ដូចជាបន្លែពណ៌បៃតង សាច់គោ ស៊ុត និងគ្រាប់ធញ្ញជាតិ។ អាហារបន្ថែមមុនពេលសម្រាលក៏ត្រូវមានជាតិដែកផងដែរ។
- ត្រូវបន្តញ៉ាំអាហារបន្ថែមជីជាតិមុនពេលសម្រាល។ អាហារទាំងនេះផ្តល់បន្ថែមនូវជាតិដែក អាស៊ីតហ្វូលីក និងវីតាមីន និងជាតិរ៉ែខនិជសំខាន់ៗផ្សេងទៀត។ សូមចងចាំថា អាហារបន្ថែមមុនពេលសម្រាល មិនមែនជាអាហារជំនួសឲ្យអាហារដែលមានសុខភាពល្អនោះទេ។
សប្តាហ៍ទី៨នៃការមានផ្ទៃពោះ
ម្រាមដៃ និងម្រាមជើងតូចៗ
ការលូតលាស់ និងការវិវឌ្ឍរបស់ទារកនៅសប្ដាហ៍ទី ៨
នៅពេលអ្នកមានផ្ទៃពោះនៅចន្លោះសប្ដាហ៍ទី ៧ និងទី៨ ផ្នែក និងទំហំរាងកាយរបស់ទារក បន្តលូតលាស់ និងប្រែប្រួលយ៉ាងលឿន។ ខាងក្រោមនេះគឺជាដំណើរការលូតលាស់ក្នុងអំឡុងសប្ដាហ៍ទី ៨៖
- នៅសប្ដាហ៍ទី ៨ ទារករបស់អ្នកមានប្រវែងវែងជាងកន្លះអ៊ីង ឬប៉ុនគ្រាប់សណ្តែក។
- ម្រាមដៃ និងម្រាមជើងតូចៗរបស់ទារកចាប់ផ្ដើមលូតលាស់។
- ដៃ និងជើងទារកលូតកាន់តែវែង។
- នៅសប្ដាហ៍ទី ៨ កដៃ កែងដៃ និងកែងជើងទារកអាចមើលឃើញ។
- ទម្រង់ត្របកភ្នែក និងប្រចៀក បបូរមាត់ខាងលើ និងចុងច្រមុះមើលឃើញកាន់តែច្បាស់។
ការប្រែប្រួលរាងកាយនៅសប្ដាហ៍ទី ៨
នៅពេលអ្នកមានផ្ទៃពោះបាន៨សប្តាហ៍ រាងកាយរបស់អ្នកនៅតែមានសញ្ញានៃការប្រែប្រួលជាច្រើន។ អារម្មណ៍សប្បាយចិត្តនៅពេលដឹងថា អ្នកមានផ្ទៃពោះអាចក្លាយទៅជាក្ដីសង្ឃឹម ការជ្រួលច្របល់ ឬការភ័យខ្លាច។ វាជារឿងធម្មតាទេ។ សូមព្យាយាមសម្រួលអារម្មណ៍ដោយពិភាក្សាជាមួយវេជ្ជបណ្ឌិតរបស់អ្នកអំពីកង្វល់ និងជ្រើសរើសអាហារល្អៗដែលទ្រទ្រង់ដល់សុខភាព និងសុខុមាលភាពរយៈពេលវែង។
ខាងក្រោមនេះគឺជាដំណើរការលូតលាស់ក្នុងអំឡុងសប្ដាហ៍ទី ៨ ៖
- ដោះរបស់អ្នករីកធំ ដោយសារតែក្រពេញផលិតទឹកដោះលូតលាស់។
- ស្បូនរបស់អ្នករីកធំនៅខាងក្នុងឆ្អឹកត្រគាក នៅពេលដែលទារកក្នុងផ្ទៃលូតលាស់ក្នុងអំឡុងសប្ដាហ៍ទី៨ ។
- នៅពេលអ្នកមានផ្ទៃពោះបាន៨សប្តាហ៍ មាត់ស្បូនរបស់អ្នកនឹងបន្តឡើងទន់ក្នុងដំណើរការមានផ្ទៃពោះដើម្បីត្រៀមសម្រាល។
សុខភាពល្អ និងអាហារូបត្ថម្ភនៅសប្ដាហ៍ទី ៨
តើអ្នកគួរចៀសវាងអ្វីខ្លះក្នុងអំឡុងពេលមានផ្ទៃពោះ0x017d7 វេជ្ជបណ្ឌិតភាគច្រើនឯកភាពថា អ្នកត្រូវជៀសវៀង ៖
- សកម្មភាពទាំងឡាយណាដែលអាចធ្វើឲ្យអ្នកដួល ឬដាក់សម្ពាធ ឬដាក់ទម្ងន់លើពោះរបស់អ្នក
- ការហាត់ប្រាណប្រើកម្លាំងខ្លាំងលើសលប់។ ប្រសិនបើអ្នកហត់ដល់ថ្នាក់និយាយមិនរួច វាអាចបណ្តាលមកពីអ្នកហាត់ប្រាណខ្លាំងពេក។
- គ្រឿងស្រវឹង បារី និងជាតិកាហ្វេអ៊ីន (សួរវេជ្ជបណ្ឌិតរបស់អ្នកពីបរិមាណជាតិកាហ្វេអ៊ីនដែលអ្នកគួរបរិភោគរៀងរាល់ថ្ងៃ)
- អាហារដែលមានជាតិស្ករ និងគ្រឿងផ្អែម (សួរវេជ្ជបណ្ឌិតរបស់អ្នកថាតើអ្នកអាចបរិភោគគ្រឿងផ្អែមបានដែរ ឬយ៉ាងណា)
- ថ្នាំមួយចំនួនដែលដាក់លក់ដោយសេរី និងថ្នាំតាមវេជ្ជបញ្ជា (សួរវេជ្ជបណ្ឌិតរបស់អ្នកពីថ្នាំដែលអាចញ៉ាំបានក្នុងអំឡុងពេលមានផ្ទៃពោះ)
- ការប៉ះពាល់ជាតិគីមី និងការស្រូបផ្សែងពុលពីថ្នាំលាប ផលិតផលសម្អាត និងទឹកសាប៊ូ។ ជ័រកៅស៊ូ ឬវត្ថុមានជាតិគីមី ថ្នាំលាប ជាទូទៅត្រូវបានគេចាត់ទុកថាមានសុវត្ថិភាព។ ប៉ុន្តែអ្នកត្រូវសួរវេជ្ជបណ្ឌិតរបស់អ្នកសិន ទើបអ្នកអាចចូលរួមក្នុងគម្រោងដាំដុះ ឬគម្រោងផ្សេងទៀតជុំវិញផ្ទះដោយសុវត្ថិភាព និងមានភាពជឿជាក់។
- ការឆ្ពុង និងការត្រាំក្នុងអាងទឹកក្តៅ
- ការប្រើជាតិគីមីដើម្បីព្យាបាលសក់របស់អ្នក ដូចជា ថ្នាំពណ៌ និងថ្នាំអប់សក់
សប្តាហ៍ទី៩នៃការមានផ្ទៃពោះ
ថ្នាំការពារការប្រែប្រួលអ័រម៉ូន
ការលូតលាស់ និងការវិវឌ្ឍរបស់ទារកនៅសប្ដាហ៍ទី ៩
នៅពេលអ្នកមានផ្ទៃពោះបាន៩សប្តាហ៍ ផ្នែក និងទំហំរាងកាយរបស់ទារកបន្តលូតលាស់ និងប្រែប្រួលយ៉ាងលឿន ៖
- ក្នុងអំឡុងសប្ដាហ៍ទី ៩ ទារករបស់អ្នកលូតលាស់បានប្រវែងប្រហែល ១អ៊ីង ឬប៉ុនផ្លែអូលីវ។
- នៅសប្តាហ៍ទី៩ គ្រោងឆ្អឹងរបស់ទារកចាប់ផ្ដើមរឹង។ ភាពរឹងមាំនៃឆ្អឹង (ការក្លាយជាឆ្អឹង) ចាប់ផ្តើមកើតឡើងជាមួយទម្រង់នៃការកកើតឆ្អឹងខ្ចី។
- ម្រាមដៃ ម្រាមជើង ជង្គង់ និងកែងដៃរបស់ទារកមានការលូតលាស់។
- ក្បាលដោះ និងហ្វូលីកុលសក់ចាប់ផ្តើមកើតឡើង។
- ប្រព័ន្ធពោះវៀនរបស់ទារក ដូចជា លំពែង បំពុងទឹកប្រមាត់ ថង់ប្រមាត់ និងទ្វារធំ ចាប់ផ្តើមលេចចេញជារូបរាង។ ពោះវៀនរបស់ទារកចាប់ផ្ដើមលូតវែង។
- សរីរាង្គបន្តពូជរបស់ទារកចាប់ផើ្តមលូតលាស់ផ្នែកខាងក្នុងនៅពេលអ្នកមានផ្ទៃពោះបាន ៩ សប្តាហ៍។
- សាច់ដុំមានការលូតលាស់ ហើយទារកចាប់ផ្តើមមានចលនា។ អ្នកអាចដឹងថា ទារករបស់អ្នកមានចលនានៅច្រើនសប្តាហ៍បន្ទាប់។
ការប្រែប្រួលរាងកាយនៅសប្ដាហ៍ទី ៩
រីករាយការចូលមកដល់ខែចុងក្រោយនៃត្រីមាសទី១របស់អ្នក។ នៅពេលអ្នកមានផ្ទៃពោះបាន ៩សប្តាហ៍ រាងកាយរបស់អ្នកបន្តប្រែប្រួលដើម្បីការពារ និងទ្រទ្រង់ការលូតលាស់របស់ទារក។ នោះមានន័យថា អ្នកនៅតែមានរោគសញ្ញានៃការមានផ្ទៃពោះនៅឡើយ។ សូមពិនិត្យមើលការប្រែប្រួលខ្លះៗក្នុងអំឡុងសប្តាហ៍ទី៩ ៖
- ការផលិតអ័រម៉ូនមានការកើនឡើងក្នុងអំឡុងសប្តាហ៍ទី៩ ប៉ុន្តែការប្រែប្រួលកើតឡើងនៅត្រឹមសប្តាហ៍ទី១២ ដោយបង្ហាញពីការបាត់រោគសញ្ញាជាច្រើននៃការមានផ្ទៃពោះក្នុងត្រីមាសទី ១។ បន្ទាប់ពីនោះ អ្នកនឹងបាត់រោគសញ្ញាទាំងនេះដែលរំខានដល់អ្នក។
- រោគសញ្ញាមួយចំនួន រួមមាន ការរកកលចង់ក្អួត ការក្អួត ការឈឺដោះ នោមញឹក គេងមិនលក់ និងរវើរវាយច្រើន។
- ចង្វាក់បេះដូងរបស់អ្នកលោតកាន់តែខ្លាំង និងកាន់តែលឿន ដែលអាចធ្វើឲ្យអ្នកអស់កម្លាំង វិលមុខ និងឈឺក្បាល។
- ការកើនឡើងនូវអ័រម៉ូន estrogen និងអ័រម៉ូន progesterone ជំរុញដល់ការលូតលាស់ដោះ និងក្រពេញទឹកដោះរបស់អ្នក។ ស្បែកជុំវិញក្បាលដោះនឹងរីកធំ និងឡើងពណ៌ខ្មៅ។ ការឈឺដោះ និងដោះរាងធំពេញគឺជារឿងធម្មតា។ សូមទិញអាវត្រនាប់ដែលអាចទ្រ និងងាយស្រួលពាក់ ដើម្បីសម្រួលដល់ការប្រែប្រួលរបស់ដោះ។
- ទម្រង់រាងកាយរបស់អ្នកចាប់ផ្តើមផ្លាស់ប្តូរ ដែលអាចធ្វើឲ្យអ្នកមានការប្រែប្រួលអារម្មណ៍ចំពោះរាងកាយរបស់អ្នក។ ត្រូវចាំថា ការប្រែប្រួលរាងកាយ និងការឡើងទម្ងន់ដែលមានសុខភាពល្អមានសារៈសំខាន់ណាស់ ប៉ុន្តែមានលក្ខណៈបណ្ដោះអាសន្នតែក្នុងពេលមានផ្ទៃពោះប៉ុណ្ណោះ។ ត្រូវអនុវត្តតាមជំហាននានាដើម្បីរក្សារាងកាយរបស់អ្នកឲ្យមើលទៅស្អាតដោយធ្វើលំហាត់ប្រាណ និងញ៉ាំអាហារឲ្យបានត្រឹម ត្រូវ។ ស្លៀកសម្លៀកបំពាក់ដែលផ្តល់ផាសុកភាព ធ្វើឲ្យអ្នកមានអារម្មណ៍ល្អ និងមើលទៅសមរម្យ។ សូមកុំព្រួយបារម្ភប្រសិនបើអ្នកមិនទាន់ជួបបញ្ហានេះ។ វានឹងកើតឡើងក្នុងរយៈពេលពីរ ឬបីសប្តាហ៍ទៀត។
សុខភាពល្អ និងអាហារូបត្ថម្ភនៅសប្ដាហ៍ទី ៩
ការបន្តប្រែប្រួលយ៉ាងលឿននៅសប្តាហ៍ទី៩ ទាមទារឲ្យមានការហាត់ប្រាណ និងញ៉ាំអាហារូបត្ថម្ភល្អៗដើម្បីទ្រង់ទ្រង់សុខភាពរបស់អ្នក និងទារកក្នុងផ្ទៃ។ អ្នកអាចធ្វើការណាត់ជួបជាមួយវេជ្ជបណ្ឌិតរបស់អ្នកដើម្បីធ្វើការពិនិត្យផ្ទៃពោះលើកទី២ ហើយអ្នកអាចស្ដាប់លឺចង្វាក់បេះដូងកូនរបស់អ្នកនៅប៉ុន្មានសប្តាហ៍ខាងមុខ។ សូមទទួលយកសៀវភៅពិនិត្យផ្ទៃពោះ អ្នកនឹងបានឃើញទាររករបស់អ្នកលើកដំបូង ក្នុងអំឡុងពេលធ្វើសូរអ៊ុលត្រាលើកដំបូងក្នុងពេលឆាប់ៗនេះ។
ការណាត់ជួបជាមួយវេជ្ជបណ្ឌិតលើកទី២
- អ្នកនឹងមានការពិនិត្យផ្ទៃពោះមុនពេលសម្រាលលើកទី២នៅចន្លោះសប្តាហ៍ទី៩ និងទី១២។
- វាអាចមានរយៈពេលខ្លីជាងការពិនិត្យផ្ទៃពោះមុនពេលសម្រាលលើកទី១របស់អ្នក ប៉ុន្តែនៅលើកទីពីរនេះនឹងមានការពិនិត្យលើផ្នែកសំខាន់ៗដូចគ្នា ៖might be shorter than your first prenatal visit but will include a check on many of the same vitals:
- ទម្ងន់
- សម្ពាធឈាម
- ពិនិត្យទឹកនោមសម្រាប់មើលជាតិស្ករ និងប្រូតេអ៊ីន
- ទំហំស្បូន
- កម្ពស់ស្បូន (កស្បូន)
- សំណួរ ឬកង្វល់របស់អ្នក
- វេជ្ជបណ្ឌិតរបស់អ្នកនឹងប្រើឧបករណ៍ស្តាប់ពិសេស ហៅថា Doppler ដើម្បីស្តាប់សំឡេងចង្វាក់បេះដូងរបស់ទារក ។
អត្ថប្រយោជន៍នៃអាហារូបត្ថសម្រាប់អ្នក និងទារកក្នុងផ្ទៃ
ការមានផ្ទៃពោះបង្កើតនូវទស្សនៈថ្មីមួយពីរបៀបដែលទម្លាប់សុខភាពអាចប៉ះពាល់ដល់រាងកាយរបស់អ្នក និងទារកក្នុងផ្ទៃ។ សូមពិចារណាពីផលប្រយោជន៍ខ្លះៗក្នុងចំណោមផលប្រយោជន៍ជាច្រើននៃអាហារូបត្ថម្ភល្អក្នុងអំឡុងពេលមានផ្ទៃពោះ ៖
- អាហារបន្ថែមជីជាតិដែលមានសុខភាពល្អសំបូរដោយជាតិអាស៊ីហ្វូលីកអាចជួយការពារជំងឺពិការពីកំណើត។
- ទម្លាប់ល្អពីឥឡូវនឹងជួយឲ្យអ្នកប្រកាន់ខ្ជាប់ទម្លាប់ទាំងនោះក្នុងអំឡុងពេលមានផ្ទៃពោះ។
- យោងតាមការស្រាវជ្រាវ អាហារូបត្ថម្ភល្អអាចជួយការពារទារករបស់អ្នកពីជំងឺផ្សេងៗបន្ទាប់ពីសម្រាល។
អត្ថប្រយោជន៍នៃការធ្វើលំហាត់ប្រាណសម្រាប់អ្នក និងទារកក្នុងផ្ទៃ
ការធ្វើលំហាត់ប្រាណជាប្រចាំ ផ្តល់អត្ថប្រយោជន៍យ៉ាងច្រើនដល់អ្នក និងទារកក្នុងផ្ទៃ រួមមាន៖
- ជួយបញ្ចៀសបញ្ហាទូទៅនៃការមានផ្ទៃពោះ។ បញ្ហាទាំងនោះរួមមាន ៖:
- ឈឺខ្នង
- ហើមពោះ និងហើមខ្លួន
- អស់កម្លាំង
- ផ្ដល់សុខភាពសាច់ដុំនៅក្នុងក្រពះ ស្បូន និងទ្វាមាស
- ទ្រទ្រង់ដល់ការធ្វើមេតាបូលីសបានល្អ
- ជួយឲ្យអ្នកត្រឡប់មានរូបរាងដូចមុនពេលមានផ្ទៃពោះក្នុងរយៈពេលដ៏ខ្លី
- បង្កើនការបញ្ជូនអុកស៊ីហ្សែន និងសារធាតុចិញ្ចឹមទៅទារក
- បង្កើនកម្រិតថាមពល
- ជួយធ្វើឲ្យអ្នកមានអារម្មណ៍ប្រសើរទាំងផ្លូវកាយ និងផ្លូវចិត្ត
- ជួយសម្របទៅនឹងកម្លាំងទំនាញថ្មី
- អាចជួយសម្រួលក្នុងអំឡុងពេលឈឺពោះសម្រាល
ការមានផ្ទៃពោះក្នុងអំឡុងសប្តាហ៍ទី១០
ភាពឆ្លាតវៃរបស់ទារក
ការលូតលាស់ និងការវិវឌ្ឍរបស់ទារកនៅសប្ដាហ៍ទី ១០
ទារករបស់អ្នកមានរូបរាងជាផ្លូវការហើយ! បន្ទាប់ពីមានជីវិតជាអំប្រ៊ីយ៉ុងច្រើនសប្តាហ៍មក នៅចុងសប្តាហ៍ទី១០ ទារករបស់អ្នកនឹងក្លាយទៅជាគភ៌។ ខាងក្រោមនេះគឺជាការប្រែប្រួលផ្សេងទៀតរបស់ទារកក្នុងអំឡុងសប្ដាហ៍ទី ១០។
ការប្រែប្រួលរាងកាយនៅសប្ដាហ៍ទី ១០
រាងកាយរបស់អ្នកនឹងបន្តប្រែប្រួល ដូចការលូតលាស់របស់ទារកដូច្នោះដែរ។ នៅពេលអ្នកមានផ្ទៃពោះបាន១០សប្តាហ៍ អ្នកអាចកត់សម្គាល់ឃើញថា ៖
- អ្នកមានអារម្មណ៍ធ្ងន់ត្រង់ផ្ទៃក្បាលពោះខាងក្រោម។ អ្នកកំពុងមានអារម្មណ៍ថា ស្បូនរបស់អ្នកចាប់ផ្តើមលូតលាស់ ឬចរន្តឈាមមានការកើនឡើង។ ការមានសម្ពាធត្រង់ផ្ទៃក្បាលពោះខាងក្រោមនេះនឹងធ្វើឲ្យអ្នកនោមញឹក ។
- ក្នុងអំឡុងសប្តាហ៍ទី១០ អ្នកអាចកត់សម្គាល់ឃើញថា ភ្នែករបស់អ្នកមានការប្រែប្រួល ៖
- ស្រទាប់ខាងក្រៅនៃភ្នែករបស់អ្នក ដូចជា កញ្ចក់ភ្នែកកាន់តែឡើងក្រាស់បន្តិចម្តងៗ។ នេះដោយសារតែមានស្តុកទុកវត្ថុរាវក្នុងអំឡុងពេលមានផ្ទៃពោះ។
- ភ្នែកស្ងួត ឬត្របកភ្នែកហើម ក៏អាចកើតមានក្នុងអំឡុងពេលមានផ្ទៃពោះផងដែរ។
- រោគសញ្ញាទាំងនេះកើតមានបណ្តោះអាសន្ន ហើយភ្នែករបស់អ្នកនឹងត្រឡប់ទៅធម្មតាវិញបន្ទាប់ពីសម្រាលរួច។
- ត្រូវពិភាក្សាជាមួយវេជ្ជបណ្ឌិតរបស់អ្នក បើសិនភ្នែកមានការប្រែប្រួលខ្លាំង ដូចជា មានស្នាមអុចៗ ឬមើលមិនសូវច្បាស់។ វេជ្ជបណ្ឌិតរបស់អ្នកនឹងពិនិត្យមើលជាតិស្ករក្នុងឈាម ឬសម្ពាធឈាមដើម្បីពិនិត្យមើលជំងឺទឹកនោមផ្អែម ឬសម្ពាធឈាមឡើងខ្ពស់។ រោគសញ្ញាទាំងនេះអាចមិនកើតឡើងទេ។ប្រសិនបើមានរោគសញ្ញាទាំងនេះវាគ្រាន់តែមានលក្ខណៈបណ្តោះអាសន្នក្នុងអំឡុងពេលមានផ្ទៃពោះប៉ុណ្ណោះ។
សុខភាពល្អ និងអាហារូបត្ថមនៅសប្ដាហ៍ទី ១០
អាហារូបត្ថមនៅសប្ដាហ៍ទី ១០ ៖ ការព្យាយាមញ៉ាំអាហារដែលមានសុខភាពល្អតាមរយៈការជ្រើសរើសអាហារល្អៗពីក្រុមអាហារទាំងអស់ អ្នកនឹងផ្តល់សារជាតិចិញ្ចឹមផ្សេងៗដល់ទារកក្នុងផ្ទៃ។
ក្រុមអាហារ
| ចំនួនដងនៃការបរិភោគក្នុងមួយថ្ងៃ
|
|---|
បាយ និងអាហារជម្រើស(រួមបញ្ចូលទាំងគ្រាប់ធញ្ញជាតិទាំងស្រុងសម្រាប់ញាំជាមួយបាយ និងអាហារជម្រើស)
គ្រាប់ធញ្ញជាតិទាំងស្រុង |
6-7
3 |
| ផ្លែឈើ | 2 |
| បន្លែ | 3 |
| សាច់ និងអាហារជម្រើស | 2 1/2 |
ទឹកដោះគោ
(រួមបញ្ចូលទាំងទឹកដោះគោដែលបន្ថែមលើសាច់និងអាហារជម្រើស។) |
500 m |
ប្រការសំខាន់ត្រូវកំណត់បរិមាណអាហារដែលសំបូរដោយខ្លាញ់ អំបិល និងស្ករ និងធានាថា អ្នកទទួលបានវីតាមីន និងរ៉ែចម្រុះល្អៗជាច្រើន។
- នៅពេលទារកកំពុងលូតលាស់លឿនបំផុត បន្ថែមកាល់ឡូរីប្រហែល ៣០០ ក្នុងមួយថ្ងៃ ទៅក្នុងអាហារ របស់អ្នក។ វាអាចប៉ុននំមួយដុំ ស៊ុត ១ គ្រាប់ជាមួយនំប៉័ងដុត ចេក ១ ផ្លែជាមួយទឹកដោះគោ ឬច្រើនជាងអាហារធម្មតារបស់អ្នកបន្តិច។
ការធ្វើលំហាត់ប្រាណក្នុងអំឡុងសប្ដាហ៍ទី ១០ ៖ ការស្វែងរកវិធីសាស្ត្រីថ្មីក្នុងការឆ្ពោះទៅមុខ
ការធ្វើលំហាត់ប្រាណជាមធ្យមប្រហែល ៣០នាទីក្នុងមួយថ្ងៃ ច្រើនថ្ងៃក្នុងមួយសប្តាហ៍ ត្រូវបានចាត់ទុកថាមានសុវត្ថិភាព និងផ្តល់អត្ថប្រយោជន៍ដល់ស្ត្រីមានផ្ទៃពោះ និងទារកក្នុងផ្ទៃ។ វិធីហាត់ប្រាណមួយចំនួន មានដូចជា៖
- ការហាត់ប្រាណតាមចង្វាក់ភ្លេងជួយបង្កើនចរន្តឈាម បេះដូង និងជំនួយសួត ចលនាសាច់ដុំ និងសុខភាពរួម ឧទាហរណ៍ ការដើរ ការជិះកង់ ការរត់យឺតៗ និងការហែលទឹក។
- ការហាត់ប្រាណលើកទម្ងន់ស្រាលៗ ជួយពង្រឹងចលនាសាច់ដុំ កម្លាំង និងបង្ការភាពចុះខ្សោយ។ ត្រូវលើក ទម្ងន់ស្រាលៗ និងចៀសវាងការធ្វើឲ្យឈឺខ្លួន។
- ការហាត់ប្រាណហែលទឹក ជួយសម្រួលភាពតានតឹងលើខ្លួនរបស់អ្នក និងកាត់បន្ថយការក្ដៅខ្លួន។ ឧទាហរណ៍ ៖ ការហែលទឹក និងការហាត់ប្រាណក្នុងទឹក។
- យោគៈ ជួយដល់ការសម្រាក ភាពបត់បែន ការដកដង្ហើម និងឥរិយាបថ។ វាអាចបង្កើនកម្លាំង និងបង្ការភាពចុះខ្សោយ។
- ការធ្វើលំហាត់ប្រាណដោយសម្រួលចលនា លាដៃលាជើង និងដកដង្ហើម ជួយបង្កើនឥរិយាបថ និងកម្លាំងសាច់ដុំ ការដកដង្ហើម និងភាពបត់បែន។
- ការជិះស្គីឆ្លងប្រទេស
- វាយកូនហ្គោល
- បោះប៊ូល
សប្ដាហ៍ទី ១១ នៃការមានផ្ទៃពោះ
តើអ្នកមានអារម្មណ៍ស្រស់ថ្លាហើយ ឬនៅ?
ការលូតលាស់ និងការវិវឌ្ឍរបស់ទារកនៅសប្ដាហ៍ទី ១១
នៅសប្តាហ៍ទី១១ សរីរាង្គទាំងអស់របស់ទារកមានដំណើរការ។ ទារកត្រៀមខ្លួនសម្រាប់ការលូតលាស់ ការលូតលាស់ ការលូតលាស់! នៅសប្តាហ៍ទី១១ ៖
- នៅពេលអ្នកមានផ្ទៃពោះបាន១១សប្តាហ៍ ទារករបស់អ្នកមានប្រវែងប្រហែល ១ អ៊ីងកន្លះ ប៉ុនប្រវែងមេដៃរបស់អ្នក រាប់ពីចាប់ពីគន្លាក់មេដៃរហូតដល់ចុងដៃ។
- រាប់ពីឥឡូវរហូតដល់ពាក់កណ្តាលនៃសប្ដាហ៍ទី ២០ ទារករបស់អ្នកនឹងកើនទម្ងន់ ៣០% និងមានប្រវែងបីដង។
- សរសៃឈាមក្នុងសុករបស់អ្នករីកកាន់តែធំ ដើម្បីត្រៀមសម្រាប់ការលូតលាស់របស់ទារក។
- អំឡុងសប្ដាហ៍ទី ១១ ត្រចៀករបស់ទារកវិវឌ្ឍទៅទីតាំងជាអចិន្ត្រៃយ៍។
- សរីរាង្គបន្តពូជរបស់ទារកកំពុងលូតលាស់។ ប៉ុន្តែមិនទាន់មើលដឹងថា ជាប្រុស ឬស្រីនៅឡើយទេ។ ភេទរបស់ទារកមិនទាន់មើលឃើញច្បាស់តាមសូរអ៊ុលត្រានៅឡើយទេ រហូតដល់ចន្លោះសប្តាហ៍ទី ១៦ និងទី២០។
ការប្រែប្រួលរាងកាយនៅសប្តាហ៍ទី១១
នៅអំឡុងសប្ដាហ៍ទី១១ ទារករបស់អ្នកចាប់ផ្តើមលូតលាស់កាន់តែលឿន ហើយរាងកាយរបស់អ្នកបន្តប្រែប្រួលជានិច្ច។
- តើការមានផ្ទៃពោះធ្វើឲ្យអ្នកសប្បាយរីករាយមែន ដែរ ឬទេ? ពិតប្រាកដហើយ! អ្នកធ្លាប់លឺថា ស្ត្រីដែលនឹងក្លាយជាម្តាយមានភាពសប្បាយរីករាយខ្លាំង ហើយអ្នកនឹងមានអារម្មណ៍បែបនេះដោយខ្លួនឯង។“ភាពស្រស់ថ្លា” នេះកើតមានដោយសារតែការកើនឡើងនូវបរិមាណឈាម ដែលធ្វើឲ្យស្បែកមើលទៅរៀងក្រហម និងពេញ។ ជាងនេះទៀត អ័រម៉ូនរាងកាយរបស់អ្នកបង្កើនជាតិខ្លាញ់លើមុខ ធ្វើឲ្យស្បែកមើលទៅរាងរលោង និងភ្លឺថ្លា។ នៅដំណាក់កាលនេះ អ្នកត្រូវប្ដូរមកប្រើផលិតផលលាបស្បែកដែលមិនមានជាតិខ្លាញ់ ប្រសិនបើអ្នកមិនទាន់មាន។
- ស្បូនរបស់អ្នកបន្តរីកធំអំឡុងពេលសប្តាហ៍ទី១១ ដើម្បីទ្រទ្រង់ការលូតលាស់របស់ទារក។ អ្នកអាចមានការឈឺចាប់បន្តិចបន្តួចនៅពេលដែលស្បូនបន្តរីកធំ។
- នៅសប្តាហ៍ទី១១ រោគសញ្ញានៃការមានផ្ទៃពោះដំបូង ដូចជា ការរកកលចង់ក្អួតអាចមានភាពធូរស្រាលជាងមុន។
- មុន អាចជាបញ្ហាមួយសម្រាប់ស្ត្រីមានផ្ទៃពោះ។ ការកើនឡើងនូវជាតិខ្លាញ់ក្នុងរាងកាយធ្វើឲ្យអ្នកមាន ភាពស្រស់ស្រាយ ប៉ុន្តែវាក៏អាចធ្វើឲ្យអ្នកងាយនឹងកើតមុនផងដែរ។ តើវាជាដំណឹងល្អឬ? ការកើតមុននេះមានលក្ខណៈបណ្តោះអាសន្នប៉ុណ្ណោះ ហើយវានឹងបាត់ទៅវិញបន្ទាប់ពីអ្នកសម្រាលរួច។
ការដោះស្រាយបញ្ហាមុនក្នុងអំឡុងពេលមានផ្ទៃពោះ
ការណែនាំនៅពេលនេះស្ដាប់ទៅហាក់មានលក្ខណៈប្រហាក់ប្រហែលនឹងការណែនាំនៅពេលអ្នកមានអាយុ ១៤ ឆ្នាំដែរ។ ជាទូទៅ អ្នកអាចការពារ ឬគ្រប់គ្រងបញ្ហាមុនភាគច្រើនក្នុងអំឡុងពេលមានផ្ទៃពោះតាមរយៈការថែរក្សាស្បែក ៖
- លាងសម្អាតមុខរបស់អ្នក ២ ឬ ៣ ដងក្នុងមួយថ្ងៃដោយប្រើផលិតផលលាងសម្អាតដោយថ្នមៗ។ ត្រូវចាំថា ស្បែករបស់អ្នកងាយនឹងមានប្រតិកម្មក្នុងអំឡុងពេលមានផ្ទៃពោះ ដូច្នេះ បើសិនអ្នកដុសវាខ្លាំងៗ វានឹងធ្វើឲ្យស្បែកកាន់តែមានបញ្ហា។
- ត្រូវប្រាកដថាអ្វីដែលប៉ះមុខរបស់អ្នក ត្រូវតែស្អាត ដូចជា ដៃជាដើម។ ត្រូវរក្សាឲ្យសក់របស់អ្នកស្អាតនិច្ច និងមិនបាំងមុខ។
- ត្រូវប្រាកដថា ក្រែមផ្ដល់សំណើម ផលិតផលថែរក្សាស្បែក និងផលិតផលសំអាងមិនមានជាតិខ្លាញ់។ ឥឡូវនេះ អ្នកអាចជ្រើសរើសផលិតផលដែលជាទីពេញចិត្តរបស់អ្នក។
- ញ៉ាំទឹកឲ្យបានច្រើនតាមដែលអាចធ្វើបាន និងជ្រើសរើសអាហារដែលមានសុខភាពល្អ។ អ្នកនឹងមានរាងកាយដែលមានសុខភាពល្អ ហើយស្បែកកាន់តែភ្លឺថ្លា។
- ត្រូវសាកសួរវេជ្ជបណ្ឌិតរបស់អ្នក មុនពេលប្រើប្រាស់ថ្នាំព្យាបាលមុន។ ថ្នាំមួយចំនួនអាចបង្កគ្រោះថ្នាក់ដល់ទារកក្នុងផ្ទៃ។
សុខភាពល្អ និងអាហារូបត្ថម្ភនៅសប្ដាហ៍ទី ១១
នៅពេលអ្នកមានផ្ទៃពោះបាន១១សប្តាហ៍ ការបរិភោគអាហារដែលមានសុខភាពល្អ ការធ្វើលំហាត់ប្រាណជាប្រចាំ និងការសម្រាកឲ្យបានគ្រប់គ្រាន់នៅតែសំខាន់សម្រាប់សុខភាពរបស់អ្នក និងទារកក្នុងផ្ទៃ។ ការមានអារម្មណ៍អស់កម្លាំង ឬនឿយហត់គឺជារឿងធម្មតាទេ។ ស្ត្រីភាគច្រើនអស់កម្លាំងខ្លាំងជាងធម្មតាក្នុងអំឡុងពេលពរពោះ។ រាងកាយរបស់អ្នកដំណើរការយ៉ាងមមាញឹកដើម្បីផលិតអ័រម៉ូន និងឈាមឲ្យបានច្រើនសម្រាប់ទ្រទ្រង់ការលូតលាស់រាងកាយរបស់ទារក។ កាលណាកម្រិតអ័រម៉ូន progesterone ក្នុងរាងកាយរបស់អ្នកឡើងខ្ពស់ វានឹងធ្វើឲ្យអ្នកងងុយ គេង។
ខាងក្រោមនេះគឺជាគន្លឹះមួយចំនួនតូចសម្រាប់ទប់ស្កាត់ការអស់កម្លាំង ៖
- ការសម្រាក ៖ ស្ដាប់ទៅវាដូចជាធម្មតា ប៉ុន្តែអ្នកត្រូវព្យាយាមសម្រាកឲ្យបានច្រើនក្នុងអំឡុងពេលពរ ពោះ។ រាងកាយរបស់អ្នកត្រូវការសម្រាក ឬគេងឲ្យបានច្រើន ដូច្នេះ ត្រូវបង្កើតទម្លាប់នេះឲ្យបាន។
- ប្រុងប្រយ័ត្ន។ ចៀសវាងការធ្វើការបន្ថែមក្នុងអំឡុងពេលនេះ។
- ស្វែងរកជំនួយនៅពេលអ្នកត្រូវការ មិនថាការងារផ្ទះសម្បែង ការងារនៅកន្លែងធ្វើការ ឬក្នុងអំឡុងពេលសកម្មភាពផ្សេងទៀតនោះឡើយ។
- រក្សាភាពសកម្ម ៖ វាអាចជាការលំបាកក្នុងការធ្វើចលនា ប៉ុន្តែត្រូវចាំថា ការធ្វើលំហាត់ប្រាណជាប្រចាំ នឹងធ្វើឲ្យអ្នកមានកម្លាំងកាន់តែខ្លាំង។
- បរិភោគអាហារដែលមានតុល្យភាព ៖ ឥឡូវវាកាន់តែមានសារៈសំខាន់ណាស់ ក្នុងការញ៉ាំអាហារដែលមានជាតិដែក ប្រូតេអ៊ីន និងកាល់ឡូរីបន្ថែម។
សប្ដាហ៍ទី ១២ នៃការមានផ្ទៃពោះ
ចង្វាក់បេះដូងរបស់ទារក
ការលូតលាស់ និងការវិវឌ្ឍរបស់ទារកនៅសប្ដាហ៍ទី ១២
ចាប់ពីការលូតលាស់ពីកោសិកាតូចៗរហូតដល់ការលូតលាស់ទៅជារាងកាយ ទារកបន្តលូតលាស់យ៉ាងខ្លាំងក្នុងអំឡុងសប្ដាហ៍ទី ១២ ៖
- នៅពេលអ្នកមានផ្ទៃពោះបាន ១២សប្តាហ៍ ទារករបស់អ្នកមានប្រវែងជិត ៣អ៊ីង ឬប៉ុនផ្លែព្រូន។
- នៅពេលអ្នកមានផ្ទៃពោះបាន១២សប្តាហ៍ ផ្នែកផ្សេងៗនៃផ្ទៃមុខរបស់ទារកមើលឃើញកាន់តែច្បាស់ ជាពិសេស ច្រមុះ និងចង្កា។
- ក្រចកដៃ និងក្រចកជើងតូចៗលេចរូបរាងឡើងនៅពេលអ្នកមានផ្ទៃពោះបាន១២សប្តាហ៍។
- ចង្វាក់បេះដូងរបស់ទារកលោតកាន់តែលឿន ២ ឬ៣ដងក្នុងមួយនាទី។
- នៅសប្តាហ៍ទី១២ វេជ្ជបណ្ឌិតរបស់អ្នកអាចស្តាប់លឺចង្វាក់បេះដូងរបស់ទារកជាលើកដំបូង ដោយប្រើឧបករហណ៍ស្ដាប់ពិសេស ហៅថា Doppler។ អ្នកអាចសួរពីបញ្ហានេះនៅពេលមកពិនិត្យផ្ទៃពោះមុនពេលសម្រាលលើកក្រោយ។
ការប្រែប្រួលរាងកាយនៅសប្ដាហ៍ទី ១២
អបអរសាទារ! អ្នកជិតចូលមកដល់ចុងបញ្ចប់ត្រីមាសទី១ហើយ។ ១២សប្តាហ៍បន្ទាប់នៃការមានផ្ទៃពោះ គឺជាសប្ដាហ៍ដែលមានអារម្មណ៍ស្រួលបំផុតសម្រាប់ស្ត្រីភាគច្រើន។ រោគសញ្ញាជាច្រើនដែលបង្កអាការៈមិនស្រួលខ្លួននៅដំណាក់កាលដំបូងនៃការមានផ្ទៃពោះ ដូចជាការចាញ់កូន និងនោមញឹក នឹងមានការថយចុះ ឬបាត់ទាំងស្រុងនៅ សប្តាហ៍ទី១២។ សម្ពាធលើប្លោកនោមរបស់អ្នកអាចបាត់ទៅវិញនៅពេលស្បូនបន្តរីកទៅលើ។
- អ័រម៉ូននៅតែមានដំណើរការ ប៉ុន្តែទារក និងសុកកំពុងផលិតអ័រម៉ូន estrogen និង progesterone កាន់តែច្រើនជាងអូវែររបស់អ្នក។
- ខណៈដែលបរិមាណឈាមនៅតែបន្តកើនឡើងក្នុងអំឡុងពេលមានផ្ទៃពោះ បន្ទាប់ពីសប្ដាហ៍ទី ១២ មក បរិមាណឈាមនេះនឹងមានការកើនឡើងបន្តិចម្ដងៗមិនដូចកាលពីសប្ដាហ៍ដំបូងៗនៃការមានផ្ទៃពោះឡើយ។ បេះដូងរបស់អ្នកបានសម្របទៅតាមការកើនឡើងនូវបរិមាណឈាម និងបូមឈាមបានកាន់តែលឿន។
- ដោះលែងសូវឈឺដូចកាលពីពីរ ឬបីសប្ដាហ៍មុនទៀតហើយ ទោះបីជាអ្នកមានអារម្មណ៍ថាដោះរបស់អ្នកនៅតែធ្ងន់ក៏ដោយ។
- ដល់ពេលដែលអ្នកមើលឃើញទារករបស់អ្នកហើយ!
- អំឡុងពេលសប្តាហ៍ទី១២ ស្បូននៅតែបន្តរីកដើម្បីឲ្យស្របតាមឆ្អឹងត្រគាករបស់អ្នក ដែលធ្វើឲ្យអ្នកមើលពីខាងក្រៅពិបាកនឹងដឹងថា អ្នកមានផ្ទៃពោះ លុះត្រាតែអ្នកបានប្រាប់ពួកគេ។
- ប្រសិនបើអ្នកមិនទាន់បានចាប់ផ្តើមទេ អ្នកអាចឲ្យអ្នកដទៃដឹងថាអ្នកមានផ្ទៃពោះក្នុងពេល ឆាប់ៗ ដោយសារតែស្បូនរបស់អ្នកបន្តរីកលូតលាស់។
- ទម្ងន់របស់អ្នក ៖ នៅសប្តាហ៍ទី១២ អ្នកអាចនឹងឡើងទម្ងន់ប្រហែល ២ ទៅ៣ផោន។ វេជ្ជបណ្ឌិតភាគច្រើនបានលើកឡើងថា ស្ត្រីដែលមានសុខភាពល្អអាចឡើងទម្ងន់ពី ២៥ ទៅ ៣០ ផោន ក្នុងអំឡុងពេលពរពោះ ទោះបីជាស្ត្រីម្នាក់ៗ មានការឡើងទម្ងន់ខុសៗគ្នាក៏ដោយ។ សូមពិភាក្សាជាមួយវេជ្ជបណ្ឌិតរបស់អ្នកពីទម្ងន់ដែលល្អបំផុតសម្រាប់អ្នក។
សុខភាពល្អ និងអាហារូបត្ថម្ភនៅសប្ដាហ៍ទី ១២
ពេលអ្នកមានផ្ទៃពោះបាន ១២សប្តាហ៍ ការប្រែប្រួលរាងកាយនៅតែបន្តកើតមាន។ ការប្រែប្រួលទាំងនេះធ្វើឲ្យអ្នកប្រឈមនឹងបញ្ហាថ្មីៗនៅក្នុងការថែទាំខ្លួនពីមួយថ្ងៃទៅមួយថ្ងៃ។
ការទល់លាមក និងមូលហេតុនៃបញ្ហានេះ ៖ តើទាក់ទងនឹងការរំលាយអាហារយ៉ាងដូចម្ដេច?
